قصة نار غيرتي وانكسار قلبي ( الجزء التاسع )
بالعربي / آدم أتقدم ل جودي قبل كده شخصيا ليها هي مش لأهلها جودي قالتله انا عايزه أعيش ف مستوى معين وكده و آدم كان لسه ف بدايه طريقة. المهم حصلت خلافات بينهم بس رجعوا لبعض تاني.
بس النصيب فرقهم تاني. و آدم اتجبر يتجوز لانا لانها قريبته ومناسبه أخلاقيا وكده. و آدم زي أي راجل لسه خارج من قصه حب فاشله ومجروح بيبقى خايف ومش عاوز يدخل في أي علاقه حب وبيبقي كارهه البنات ولسه عنده شوق وحنين ل حبيبته. ف اتفقوا هو وجودي انهم يحاولوا يتمسكوا ببعض.
لانا لما اتخطبت ل آدم حبته اوى شخصيا واخلاقيا بس لما عرفت انه عنده ماضي وحبيبه قديمه اتجرحت اوى وحاسه بالظلم. يعني ازاي يبقى هيموت ع غيرها. و دي خلاص بقت مراته.
أي ست بيبقى جواها كيد نساء وتقدر تأذي بس لانا محبتش حبها يتحول ل أذية.
القصه ممكن تكون خياليه. بس حقيقي ف معظم الرجاله بيبقى عندهم ماضي ومش بينسوه ولا بينسوا زكرياتهم بس بيخبي السر دا عن مراته أو خطيبته أو لو عنده حب جديد. بس الذكريات دي مش بيفتكرها إلا لما تيجي سيرتها. أو لما يحن ل بنت دي.
الفصل التاسع
فاقت لانا من النوم هي و آدم وقعدوا يبصوا لبعض بنظرات مفيش غيرهم فاهمها.
قربت لانا منه وقالتله
لانا :لسه عاوزها؟
آدم :بزهق مين
لانا :جودي
آدم زي أي راجل مش بيحب يقول سر علاقاته الماضيه ل أي أنثى حتى لزوجته. علشان مش يظهر ضعفه قدامها وقالها لا طبعا انتي دلوقتي بقيتي مراتي ولازم اراعي ربنا فيكي. وهو نصيب والحمد لله ع كل حال
لانا بوجع :يعني انت مش بتحبني. وهتقبلني بس علشان انا مراتك ولازم تبقى مخلص
آدم :ايه الكلام الاهبل دا انتي مراتي حبيبتي هي مبقاش ليها مكان ف قلبي اصلا
لانا مش مصدقاه
آدم ارتاح ل لانا ومبسوط معاها بس بردو وجع الحب و الفراق بيفضلوا معلمين ع الواحد ببصمه عدم النسيان
و لانا عارفه الكلام دا كويس
لانا بجمود و شراسة :طلقني يا آدم
آدم :لا طبعا مش هطلقك
لانا بطل بقا حب التملك بتاعك دا مفيش قلب بيشيل شخصين
آدم انتي وبس اللي هتبقى في قلبي صدقيني وأول ما نجيب طفل كل الذكريات دي هتختفي. ذكرياتي معاها
لانا بوجع هههههههههههههههه انا ف نار جوايا بتحرقني بسببك. انا طول عمرى شايله نفسي لنصيبي وعمري ما وهبت قلبي لحد. لكن دلوقتي انت هتموت عليها هي وياريت كانت حلوه اصلا. انا هعمل ايه بجمالي لما ميملاش عيون جوزي حرام عليك كسرت كل انوثه فيا بسبب انانيتك
انا عمري ما هسامحك سببت لي عقده من كل الرجاله…
يجب أنت تكون مسجل الدخول لتضيف تعليقاً.