عشقت زوجة ابى الجزء الخامس
بالعربي / فرح سمعت الكلمتين بتوع مختار وبقت في خوف وحيرة شديدة ومش عرفة تعمل ايه فراحت اتصلت بكريم
فرح .. ايوه يا كريم .. انت فين ؟؟
كريم .. انا في الجامعة .. خير يا فرح .. مالك ؟!!
فرح .. الحقني .. انا في مصيبة دلوقتي ومش عرفة اتصرف ازاي
كريم .. مصيبة!!! قولي يا فرح في ايه؟!!
فرح .. انا قلت لباباك زي ما تفقنا بالظبط .. بس صدمني برد فعله
كريم .. ازاي؟!!
فرح .. قالي انه مش مصدقني وانه عاوزني اعيد المحاولة معاك تاني وفي اوضة النوم بتاعتنا وانه هيراقب اللي بيحصل عن طريق الكاميرات . .واني لو مسمعتش كلامه هيدمر ابويا وهيدمرني انا كمان .. شفت رد فعله؟!!
كريم .. لا دا اكيد اتجنن !!!
فرح .. انا مش عرفة اعمل ايه وخايفة اقول لبابا تحصل مشكلة كبيرة وابويا في الاخر هيكون هو الخسران قلي يا كريم اعمل ايه؟!!
كريم .. اهدي يا فرح .. متخفيش مفيش حاجة من دي هتحصل ابدا انا جمبك ومش هسيبك ابدا ومحدش هيقدر يقربلك ابدا .. انا مش عارف هو بيعمل كدا ليه .. هو عايز يوصل لايه بالظبط ؟!!
فرح .. ايوه .. هو بيقول ان لو معملناش كدا حياتك وحياتي في خطر كبير
كريم .. ازاي؟ .. مش فاهم !!!
فرح .. مرضيش يفهمني وقالي مقدرش اتكلم اكتر من كدا .. في موضوع كبير مع باباك ومش عاوز يقول لحد او بمعني اصح خايف يقول
كريم .. دا اكيد في مشكلة كبيرة ولازم اعرفها
فرح .. هتعمل ايه يا كريم ؟!!
كريم .. مش عارف .. بس انا شايف اني لازم اواجهه بكل دا
فرح .. هيعرف اني قلتلك واكيد هيؤذيني
انتي مشوفتوش بيكلمني ازاي .. انا حسيت شوية تاني وممكن يقتلني
كريم .. متخفيش قلتلك يا فرح لا بابا ولا غيره يقدروا يلمسوا شعرة منك
فرح .. كريم خليك جمبي ارجوك انا خايفة اوي
كريم .. انا جمبك من غير ما تقولي اطمني
فرح .. اوعي يا كريم تسمع كلام باباك وتعمل اللي بيقول عليه
كريم .. لا اخلاقي ولا ديني يسمحوا بكدا يا فرح
فرح .. كريم .. انت انسان شهم جدا وطيب وانا فعلا بحس بامان لما بكلمك وبحس بامان اكتر لما بتكون جمبي
كريم .. وانا كمان ببقي فرحان جدا لما بكلمك .. عرفة انتي الوحيدة في مراتات ابويا اللي لفتت نظري لأنك مختلفه عنهم عندك مبدأ واخلاق ومبتهمكيش المظاهر والفلوس غير انك رقيقة جدا وجميلة ..
بصراحة انا كنت بحسد ابويا عليكي وكتير كنت بقول لنفسي ليه مكنتش من نصيبي انا !!! وزعلت جدا جدا من ابويا وتقريبا نزل من نظري لما طلب منك تعملي حاجة بشعة زي دي .. ازاي يهون عليه يفرط في شرفك اللي هو شرفه !!! خسارة بجد يا فرح ياريتني كنت قابلتك قبله ..
كريم يشعر بفرح تبكي
كريم متعجبا .. فرح انتي بتعيطي؟!!
فرح .. ايوه .. كلامك اثر فيا جامد ..
كان نفسي اني اتجوز شاب من سني بحبه ويحبني لكن الظروف حكمت عليا اتجوز راجل اكبر مني بتلاتين سنه وطلع انسان مش سوي ابدا ولما لقيت الانسان اللي كنت بحلم بيه طول عمري للأسف عمري ما هقدر اتجوزه ابدا .. فعلا حظي دايما وحش
كريم يفهم مقصدها ويدرك انها تتحدث عنه
كريم .. فرح انتي قصدك مين بالكلام ده ؟!!
فرح .. قصدي انت يا كريم
كريم .. انتي بتحبيني يا فرح ؟!!
فرح .. للأسف بحبك .. لكن حبي ليك هيفيد بأيه حتي لو اطلقت من باباك .. عمرنا ما هنتجوز ابدا .. عرفت بقي اني انا طول عمري ما حبيت حاجة واتحققت ابدا دايما مظلومة ومقهورة والدنيا جاية ضدي
كريم .. عشان كدا دايما حزينه وعمرك ما ضحكتي ابدا
فرح .. واضحك ازاي وكل يوم جرح جديد بيقطع في قلبي وكياني؟!!!
كريم .. فرح .. انا بحبك
فرح .. وهيفيد بايه يا كريم؟!!
كريم .. انا معاكي انك حتي لو اطلقتي مش هينفع ارتبط بيكي ابدا .. بس علي الاقل هقف جمبك ومش هسيبك ابدا هتلاقيني اخ وصديق بجد مع اني كنت اتمني ان علاقتنا تكون اكبر من كدا بس هعمل ايه .. بجد انا بلعن الظروف اللي حتطنا في الموقف ده
فرح .. ممكن اقفل بعد ازنك
كريم .. اتفضلي
وتغلق فرح الخط ثم تبكي بكاء شديد علي ما فعلته بها الايام والظروف وكريم يشتد غيظه ويذهب لمواجهة والدة بما حدث مستعدا للتضحية وتحمل جميع العواقب يريد ان ينهي تلك القصة المؤلمة
كريم .. بابا عايز اتكلم معاك كلمتين
مختار .. في ايه يا كريم
كريم .. انت مش مخبي عني حاجة؟!!
مختار .. هخبي ايه عنك ؟!!
كريم .. يعني مش عاوز تقلي علي حاجة .. سر مخبيه عني؟!!
مختار .. اه .. لا لا طبعا
كريم .. اها .. انت متأكد ؟!!
مختار .. ايه الحكاية يا كريم ؟!! بتلف وتدور علي ايه؟!! اتكلم بصراحة
كريم .. انت طلبت ايه من فرح؟!!
مختار .. فرح .. اما هطلب ايه من فرح ؟!!
كريم .. يعني مطلبتش من فرح انها تشغلني عشان انام معاها؟!!.
مختار .. انت بتقول ايه ؟!! انت اتجننت
كريم .. ياريت اكون مجنون ع الاقل هلاقي اجابة ع الاسئلة اللي جوايا لكن للأسف دي الحقيقة انت طلبت ليه من فرح مراتك تعمل كدا ؟!!
مختار.. انت بتكرر كلامك تاني ؟!! اكيد فرح اللي قالتلك حاجة زي كدا عشان توقع بيني وبينك .. طب والله العظيم لامحيها هي وابوها
البنت دي مش تمام
كريم .. البنت دي احسن انسانن انا شفتها .. قلي يا بابا ايه الحكاية بالظبط ؟!! وحياتي ايه اللي في خطر لو معملتش كدا .. هو انت في حد يهددك بحاجة؟!!
مختار .. اسكت يا كريم خالص اتفضل امشي من قدامي حالا..
كريم .. براحتك متتكلمش.. بس عايزك تعرف انك لو اذيت فرح وابوها هتخسرني للأبد
ثم يتركة وينصرف
مختار معلقا .. ولو معملتش كدا برضوا هخسرك للابد .. ماشي يا فرح .. يا ويلك مني
يجب أنت تكون مسجل الدخول لتضيف تعليقاً.