رواية زهرة والبيت الملعون الجزء الثالث
موافقة على حفر البيت الملعون بعد تفكير كبير فى كلام الحاج عرفة وافق جوزى على موضوع الحفر واخراج الكنز والاثار من تحت البيت و جه عرفة ومعاه ناس تحفر .
كان كل ما يحفروا واسمع صوت الخبط فى الارض قلبى دقاته تذيد كانهم بيحفروا بقلبى معرفش ليه كنت بخاف اوووى .
مر اليوم الاول من الحفر و جه وقت النوم قلت لجوزى معرفش ليه قلبى مقبوض اوووى من الحفر دة وحاسة فى مصيبة جاية لينا من الحفر والعفاريت الحارسة للمقبرة دى .
كابوس مرعب
طمنى جوزى وقال متخافيش ناس كتير حفرت وطلعت كنوز هى جت علينا يعنى ! نمت ولما نمت شفت فى المنام حد بيجرى ورايا بفأس كبير وعاوز يقطع رقبتى كنت بجرى واصرخ .
علشان حد ينقذنى …. لكن مفيش حد نقذنى وفجاة لقيت نفسي بقع فى حفرة عميقة جدا جدا ولقيت تماثيل فراعنة كتير ودهب كتير لكن لحظات ولقيت التماثيل بتتحرك وبتقرب منى ببطء.
وقعدت اصرخ وابكى ومحستش بنفسى الا و جوزى بيصحينى
من النوم وبيقولى فيه ايه مالك ؟ اخدت انفاسى بصعوبة
وقلت ليه كان كابوس وحكيت ليه لكن طمنى وقال دة حلم .
تانى يوم جه عرفة الدجال ومعاه الناس بتاعت الحفر وكملوا حفر لحد نص الليل كنت بغيب وابص فى الحفرة كنت بحس باحساس غريب اوووى بحس انى بحفر قبرى بايدى .
تم الحفر والوصول للهدف
مر يومين وفى اليوم التالت والناس بتحفر انكشف جزء معدنى وبعد كدة رفعوا عنه التراب بايديهم وكان باب مقفول
لحظتها صرخ عرفة الدجال وقال الله اكبر الكنز ظهر ….ظهر.
رعب زهرة
مكنتش مصدقة ان فى كنز حقيقى غير لما شفت الباب بتاع المقبرة … وجت اللحظة الحاسمة طلب منى عرفة الدجال انى انزل فى الحفرة الكبيرة علشان افتح الباب وادخل المقبرة .
كنت خايفة اوووى من مجرد الفكرة ….دا غير الضلمة الكتير اووى و الحفرة الطويلة وال وصلت لحد خمسة متر تحت الارض
و لقيت عرفة بيبص ليا اووى ويقول متخافيش انتى بس المسموح ليكى بدخول المقبرة ….. لو ينفع حد تانى كنت دخلت .
او دخل جوزك او اى حد منا لكن انتى بس المعروفة عندهم علشان كدة لازم تنزلى وخرجى الكنز انتوا خلاص بقيتوا اصحاب ملايين واصحاب قصور … وقعد يغرى فينا بالفلوس ونزلت الحفرة وانا خايفة ومرعوبة وبترعش .
بداية قصة الرعب ولعنة البيت
نزلت الحفرة وقربت من الباب وكنت مترددة اوووى لكن كنت بسمع صوت الحاج عرفة وهو بيقول ارفعى الباب وادخلى خرجى الكنز الى تحت ….يلا يا مدام زهرة…. يلا.
ابتديت افتح الباب بهدوء وكان صوت الباب نفسه مرعب فتحت الباب وكنت ماسكة كشاف نور فى ايدى ونزلت برجلى فى المقبرة مكان نور الكشاف وابتديت انزل بكل جسمى .
كان المكان كبير اوووووى عبارة عن غرفة كبيرة جدا نزلت و بالكشاف قعدت ابص على المقبرة لقيت فيها تماثيل كتيرة صغيرة وتمثالين كبار جدا مخبيش عليك كنت بموت من الرعب.
كان عرفة بينادى عليا من فوق ويقول شايفة ايه يا زهرة ؟
كنت بقول ليه على التماثيل وفجاة لقيت صندوق كبير اووووى
كان علية حاجة زى الدهب فى كل حته عليه وكان شكله جميل.
قربت منه وقلت افتح الصندوق دة اكيد فيه دهب كتير اووووى
وفتحته بهدوء لكن شفت شيء عجيب جدا …. لقيت كتاب كبير واوراقه كبيرة وقديمة اوووى دورت على دهب فى الصندوق لكن ملقتش غير الكتاب دة.
سر الكتاب الملعون
مسكت الكتاب القديم دة وقلت افتحه اشوف فيه ايه يمكن يكون فيه خريطة لدهب تانى او كنز تانى وفتحت الكتاب وفجأة سمعت صراخ رهيب ومرعب والكتاب كل اوراقه ابتدت تتحرك ورا بعضها صرخت و رميت الكتاب .
سمع صراخى جوزى و الناس الموجودين معاه وقعد ينادى زهرة …..زهرة لكن انا كنت بصرخ من الصراخ الرهيب فى المقبرة والكتاب بدأ ينور وفجاة طار الكتاب ولزق فى وشي .
لحظتها محستش بنفسى اغمى عليا وفقدت الوعى قعد ينادى عليا فؤاد وعرفة وانا مش برد عليهم قلق جدا جوزى وقرر انه ينزل يشوفنى حصل ليا اية ؟!
مفاجاة كبيرة
نزل جوزى بسرعة علشان يشوفنى وحذره عرفة من دخول المقبرة وقاله لو دخلتها هتموت حاول تشوفها من برة وفعلا وقف فؤاد على الباب وشافنى نايمة على الاض ومغمى عليا.
قعد ينادى عليا زهرة …..زهرررة ويخبط على باب المقبرة
لحد ما فقت من الاغماء وبصيت على باب المقبرة لقيت نور وصوت جوزى قمت بسرعة ومسكت فى ايده وخرجت .
كنت مرعوبة والدموع نازلة منى وبترعش حضنى جوزى اووى وقال : مالك ….حصل اية اهدي ممكن!!
لحظتها نزل عرفة الدجال و وقف جنبنا وقال حصل اي؟.
اختفاء الكنز
حكيت ليهم باختصار على كل حاجة حصلت لحظتها شخط فيا عرفة وقال انتى بتفتحى الكتاب ليه انا قلت ليكى افتحى كتاب
ضيعتى كل حاجة الله يخرب بيت اهلك .
بص جوزى وقال فى ايه ما تغور اى حاجة اهم شيء هى بخير … مسك عرفة كشاف الكهربا و بص فى المقبرة من بره
شافها فاضية مفهاش حتى ابرة او اى شيء.
قعد عرفة يلطم على وشه ويقول : انتى بفتحك للكتاب خالفتى كل تعليماتى ومش بس كدة انتى استفزتيهم كلهم و اخفوا الكنز من المقبرة وبصوته الوحش قال منك لله تستاهلى بقا.
مكنتش حاسة بنفسي من الرعب و فى نفس الوقت مش قادرة ارد على عرفة الدجال دة اخدنى جوزى وخرجنى من الحفرة المشئومة دى وشربنى مية وطلع عرفة وهو عليه غضب الله.
وقال للناس يلا بينا دى ست نحس ومش بس كدة دة قبل ما يخرج قال ليا كلمة خلتنى اترعب اكتر قال : هتدفعى تمن الغباوة دى كتير اوووى يا مدام .
جوزى بصراحة اتعصب عليه وقال : فى اية انت بتهددنا فى بيتنا يا عرفة ؟ احنا هنخاف منك كدة يعنى ! بص عرفة ليا وقال انا مش هعمل حاجة انا بقصد الاذى من اهل المقبرة.
واخد بعضه والناس ومشيوا كنت بفكر فى كلامه دة وخفت اكتر هو فعلا ممكن يحصل ليا حاجة ! وافتكرت انهم سابوا الحفرة زى ما هى ! ماذا سيحدث ؟
تابع
يجب أنت تكون مسجل الدخول لتضيف تعليقاً.