رواية اختي باعتني للشيطان (الجزء السادس)
يذهب متولي مسرعا الي منزله حيث توجد اسماء ويبدوا انه في حالة من الغضب الشديد ويدخل الي وسط المنزل وينادي بصوت عال وغاضب
متولي .. يا اسماء .. انتي يا بت يا اسماء
فيسمع صوت انين ويبدوا انها اسماء والصوت قادم من غرفة النوم فيدخل مسرعا الي الغرفة فينصدم عندما يري اسماء وملابسها ممزقة ويبدوا عليها اثار ضرب او تعذيب متفرقة في جميع انحاء جسدها وشعرها منكوش
متولي .. يخرب بيتك !! ايه يا بت اللي شلفط خلقتك بالمنظر ده ؟!!
اسماء .. حرام عليك يا متولي .. قلتلك متسبنيش لوحدي وآدي النتيجة
متولي .. ايه اللي يا حصل يا بت انطقي ؟!
اسماء .. انت بعد ما مشيت علطول انا حسيت بالندم وقلت اتصل بيك واخليك تيجي
متولي .. اها .. حسيتي بالندم !! وليه بقي حسيتي بالندم ؟!! قولي
اسماء .. عشان كدبت عليك وقلتلك ان عندي ظروف
متولي .. يعني انتي كدبتي عليا ؟!!
اسماء .. ايوا .. بس وحيات ربنا ندمت وانبت نفسي جامد فقلت اتصل عليك واجيبك واعتذرلك واعيشلك كمان ليلة محلمتش بيها طول عمرك
متولي .. وما اتصلتيش ليه بقي ؟!!
اسماء .. انا جايالك في الكلام اهوه .. قلت قبل ما اتصل بيك البس قميص نوم من اللي انت جايبهوملي واتزوق كدا واظبط نفسي وابقي علي سنجة عشرة عشان تيجي تلقاني عروسة بجد .. المهم بعد ما لبست قميص النوم لقيت جني ظهرلي
متولي .. جني ؟!!
اسماء .. ايوا .. جني طويل وعريض وشبه مهند بالظبط
متولي .. جني وشبه مهند !! انتي بتشتغليني يا بت ؟!!
اسماء .. صدقني بتكلم جد
متولي .. كملي
اسماء .. بس لقيته قام حاضني وفضل يبوسني بالعافية وقعد يقلي انتي قمر .. انتي خسارة في متولي .. انا مش هخليه يقربلك
متولي .. ابن الملاعين !! وعمل ايه تاني يا بت انطقي بسرعة
اسماء .. بس فقلتله انت عايز مني ايه ؟! قالي انا مهموش حارس مقبرة الفرعون معمع اللي تحت الارض ..قالي جوزك عايز يوصل للمقبرة واتفق مع اخويا من ورايا وانه يقدمك قربان ويسلمه المقبرة وانا مش موافق انا جني فرعوني ويستحيل افرط في آثار بلدي ابدا
متولي . جني وفرعوني !! باين عليها قصة جديدة وملعوب من ملاعيبك زي الظروف كدا
اسماء .. والله ما بكدب عليك .. انا بتكلم جد
متولي .. يعني هو عايز ايه من الاخر ؟!!
اسماء .. بيقلك انك مش هتقدر توصل للكنز مهما عملت واحسنلك ابعد عن طريقة وانت حر
متولي .. هو بيهددني ولا ايه ابن الملاعين ده ؟!! طب عليا الطلاق ل هوصل للمقبرة واطلع الكنز غصب عن عين امه .. بينا يابت
اسماء .. هتعمل ايه ؟!!
متولي .. هعمل ايه يعني ؟!! هندخل طبعا خلينا نخلص في الليلة المهببة دي
اسماء .. خلاص نويت تموتني ؟
متولي .. ادي الله وادي حكمته ودي اوامر ولازم ننفذها
اسماء .. اهون عليك تموتني يا ميتو
متولي.. انا عشان خاطر اوصل المقبرة تهون عليا الدنيا كلها حتي حسنية والعيال كمان
اسماء .. طب بما انك ناوي تموتني خلاص . تعالي نتعشي مع بعض الاول واهو يبقي العشاء الاخير
متولي .. ماشي عشان خاطرك بس
ويتناول متولي العشاء مع اسماء وطوال الوقت يلاحظ اشياء غريبة عليها
اسماء .. يوه .. بس عيب .. بس بطل قلة ادب
متولي .. في ايه يا بت !! مش علي بعضك ليه ؟!!
اسماء .. مهموش بيزغزغني
متولي .. بيزغزك وقدامي !! طب هو فين عشان اقتله ابن الملعونه ده ؟!!
اسماء .. يوه بقي .. عيب كدا ؟!!
متولي .. بيعمل ايه تاني ؟!!
اسماء .. لا مقدرش اقول
متولي .. ايه ؟!! ابن الذين .. طب شاوريلي عليه خليني اقتله .. شرفي يا ابن الكلب
ثم يخرج مسدسة ويطلق النار عشوائيا
اسماء .. حاسب هتموتني .. خلاص مشي
متولي .. جن تخاف متختاشيش .. قومي فزس يلا مش اعتشيتي
اسماء .. يلا انا تحت امرك
وعندما يحاول متولي ان يقترب من اسماء لا يستطيع
اسماء .. في ايه يا سبعي ؟!!
متولي .. مش عارف .. في حاجة غلط !!
اسماء .. اها طيب ..يلا السن له احكامة برضوا متولي .. لا دا انا اجدع من ايها شاب
اسماء .. ما هو باين
متولي .. ازاي دا انا كنت كويس الصبح ؟!!
اسماء .. يبقي مهموش السبب .. انا مش قلتلك انه قالي انك مش هتقدر تلمسني ولا توصل للكنز
متولي .. يقطع مهموش واللي جابه مهموش في يوم واحد .. طلعلي منين الزفت دا كمان ؟!! اتنيلي اقعدي لحد ما اتصل بالشيخ سرحان يشوف حل في المصيبة دي ..
متولي يتصل بالشيخ سرحان الذي يحضر علي الفور ……
يجب أنت تكون مسجل الدخول لتضيف تعليقاً.