رواية احببت مربية ابنتي (الجزء الثاني عشر)

في المطبخ
انت بتعمل ايه هنا”
ادهم بخضة: سلام قولا من ربنا رحيم
و فتح النور و وجد فرح تنظر إليه باستغراب و
فرح: شوفت عفريت
ادهم: اه الصراحة
فرح: بتعمل ايه هنا

ادهم: اه جاي اطفح علشان جعان فيها حاجة دي
فرح بخبث: اه انا شايفة أن البيتزا عاملة واجب
ادهم: يعني بصي انا جعان و مكنش فيه غيره فأكلته اموت يعني من الجوع علشان نموسيتك تستريحي
فرح متسأئلة: ايه علاقة نموسيتي بلأكل على العموم بلهنا و الشفا يا ادهم بيه و بعد كدة مش تتكسف لما تمدح فيا شوية عادي يعني مش لازم كبريائك ده
و ابتسمت بانتصار و ذهبت و
هو قعد يضرب كف على كف و
ادهم:مش وقتك خالص
و ثم اكمل طعامه و ذهب إلى غرفته

*********************
في غرفة فرح
لم تكفي فرح عن الضحك و
فرح بانتصار: بعد. كدة يبقا يقول على البيتزا بتاعتي وحشة دي احلى من بتاعت الشيف حسن
و ضحكت و نامت
************************
في صباح جديد
في غرفة فرح

استيقظت فرح و ذهبت إلى المرحاض و اغتسلت و صلت و فتحت دولابها وجدت الكثير من الملابس و ورقة صغيرة فتحتها و وجدت مكتوب فيه
“جبتلك الحاجات دي علشان الشغل و صباح الخير (أبو حفيظة )”
ضحكت فرح و ابتسمت و ثم
أخذت طقم اسود على بنطال طويل ابيض و ارتدتهم و جعلت شعرها ديل حصان و كان شكلها على أكمل وجه و كانت جميلة جدا
و ذهبت إلى حنين وجدتها نائمة قبلتها و خرجت

****************
في السفرة
و ذهبت للسفرة و نظرت اليها حسناء بابتسامة مشرقة وقالت
حسناء: ايه الحلاوة دي
فرح: ميرسي يا ماما انتي الي حلوة امال فين ادهم بيه
فرح: في اوضته
فرح: طيب
حسناء: يلا هروح اصحي ادهم
فرح: ماشي يا ماما
و ذهبت حسناء غرفة ادهم

*********************
وعند غرفة ادهم
خبطت حسناء على باب الغرفة و دخلت عندما استأذن ادهم للطارق بدخول و
” صباح الخير يابني “
هتفت حسناء بهذه الكلمات بابتسامة واسعة كلعادة و
ادهم مرردة:صباح الفل يا قمر
حسناء: مزاجك رايق
ادهم: اها

حسناء بخبث: وليه بقا علشان فرح هتروح معاك الشغل
ادهم بارتباك: عادي يعني يا دادة صحيت رايق ولا انتي مش عاوزاني افرح و أبقى مزاجي عالي
حسناء: لا طبعا يابني انا اول واحدة بحمد ربنا انك مزاجك رايق و فرحان ربنا يدومها عليك ابتسم ادهم
و ذهب اليها و قبل رأسها و قال
ادهم بابتسامة:ربنا يخليكي ليا يا دادة
حسناء: و يخليك ليا يا حبيبي يلا بقا علشان الفطار
ادهم: طب حضرتك اتفضلي وانا هحصلك
حسناء: ماشي يابني
و خرجت من الغرفة و هو ورائها

*********************
في السفرة
هبط من الدرج و وجد فرح و حسناء ينتظرونه و قال
“صباح الخير “
اردف ادهم بهذه الكلمات لكي يصبح عليهم و قالوا مرددين
“صباح النور “
و بدأوا بطعام و قال ادهم
ادهم: حنين لسة مصحيتش
فرح: لا لسة

حسناء: روحوا انتوا شغلكم وانا هعتني بيها
فرح: ماشي يا ماما لو حصل حاجة كلمينا
حسناء: ماشي
ادهم: عن اذنك يلا
فرح: ماشي
و ثم قامت من مقعدها و عندما رأى ادهم لبسها و شكلها كان في حالة ذهول و هيام مما جعل حسناء تضحك بشدة على منظره و فاق ادهم على ضحكتها و قال
ادهم: احم احنا هنمشي بقا سلام يا دادة
حسناء : سلام يا حبايبي خلوا بالكم من نفسكم
فرح:ههه حاضر
و خرجوا و ركبوا السيارة

*********************
في السيارة
ركبوا و دور ادهم السيارة و
ادهم: تسمعي تامر حسني ولا عمرو دياب
فرح:مممم تامر
ادهم باستفزاز: هحط عمرو
فرح: بردو بحبه
ادهم: يبقا تامر و آخر كلام بقا
و كتمت فرح ضحكتها و أنطلقوا نحو الشركة

**********************
في الشركة
ذهبوا إلى الشركة و هبطوا من السيارة و نزلت فرح بثقة و دخلت بثقة هي و ادهم إلى داخل الشركة
و الناس ينظرون اليهم و يتسألون ما هذه الفتاه الغريبة
و ادهم مستغرب من ثقة فرح هذه لكن ابتسم و دخلوا مكتبه
و دخلت ورأهم دعاء و قالت
دعاء: صباح الخير يافندم

ادهم: صباح النور اقدملك فرح سكرتيرة عمر بيه الجديدة دي عارفة كل حاجة عن الشركة يعني أمان
سكرتيرة: أمرك يا فندم اتشرفت بيكي يا انسة فرح
فرح: انا اكتر
ادهم: وريها بقا المكتب
فرح: تمام يا فندم اتفضلي معايا
و خرجت فرح معها

*****************
في مكتبها الجديد
كان ليس بكبير أو صغير لاكن كان جميل جدا يجعل الشخص يكون متحمسأ لعمله
أخذتها ادعاء و ذهبت بها إلى المكتب و
قالت:
دعاء:اتفضلي يافندم
فرح: ميرسي كتير ينفع بقا بلاش فندم و حضرتك و دي و نبقى أصحاب
دعاء بفرح: طبعا

******************
لحظة من وقتكم يا أصدقائي لكي اعرفكم من هذه دعاء
“دعاء” سكرتيرة ادهم طيبة جدا و لها كامل الاحترام تحافظ على الأمانة ولا يوجد لديها أصدقاء عيونها سوداء جميلة تبان في الشمس بلون البني الفاتح و شعرها الأصفر اللامع الطويل و عندها 25 سنة و طولها القصير و بشرتها البيضاء

********************
نعود إليهم مرة أخرى
تبتسم لها فرح و تقول
فرح:طب عمر بيه هيجي امتى
دعاء: بعد ساعة بظبط هيكون موجود بس علشان انتوا جيتوا بدري انهاردة
فرح:ميرسي يا قمر
دعاء:العفو يا قمر
و خرجت دعاء من مكتبها و جلست فرح في مكتبها الجديد و هي تتأمله بحماس و فرح شديد

***********************
في مكتب ادهم
بعد ساعة تقريبا
جاء إليه عمر سريعا و قالت دعاء بقلق
دعاء: في حاجة يا عمر
عمر: اه موضوع مهم اوي
دعاء: طيب ادخل للبيه بسرعة
و خبط عليه و سمح ادهم له بدخول
و قال ادهم باهتمام
ادهم: ها في جديد ؟

عمر: اه كانت عايزة ورق الشركة بتاعت الصفقة مقابل ال 5 مليون جنيه
ادهم:فين التسجيل
عمر:اتفضل
ادهم: طيب تمام سبني أفكر بقا في الموضوع ده و اتكتك بقولك جبتلك سكرتيرة جديدة متخفش دي محل ثقة يعني كل حاجة عارفاها
عمر: تمام
ادهم بدون وعي: و اه دي تبعي يعني لو في أي مشكلة معاكسة أو غيره من أي حد أو منك مطرود
عمر: انت حضرتك عارف اني مش هعمل كدة
ادهم بتوتر: عارف انك محترم جدا بس دي زي اختي طبعا و مسؤولة مني بس انا عارف انك مش بتاع الكلام ده اتفضل
ابتسم عمر و خرج من مكتبه

******************
عندما خرج
نظرت اليه دعاء و تنهدت و قالت في سرها بوجع و عذاب
دعاء: امتى هيحس بيا بقا
و أكملت عملها

*****************
و دخل عمر الى مكتب السكرتيره و وجد فرح فابتسم و قال
عمر: انتي السكرتيرة الجديدة
فرح: ايوة
عمر و هو يمد يده بلسلام اليها و بابتسامة
عمر: انا عمر الي مفروض تبقى انتي سكرتيرتي
فرح و هي تمد يديها أيضا و تسلم عليه
فرح: انا فرح اتشرفت بحضرتك
عمر: انا اكتر

و دخل في هاذا الحظة ادهم و كان عمر مازال يمسك يدي فرح فشعر ادهم بنار داخل قلبه ادهم و قال بعصبية
ادهم: احنا في كافيه هنا ولا ايه اتفضلوا على شغلكم عندنا اجتماع بعد نص ساعة اجتماع سري بينا احنا الأربعة
فرح: طيب يافندم حضرتك متعصب ليه
نظر اليها
و خرج و قالت فرح

فرخ: في شغل أو حاجة ناقصة من السكرتيرة القديمة مكملتهاش
عمر: لا لا انهاردة مش عاوزين حاجة و بعدين انا الي مش بقول هو ادهم بيه الي بيقول و دعاء الي بتقولي بس لو في حاجة ناقصة اكيد هقولك
فرح: اه تمام يافندم
عمر: لا قولي عمر بس انا مخلي كل الناس تقولي كدة من غير فندم أو بيه
فرح:تمام يا عمر
عمر: اسيبك بقا مع مكتبك و لو في حاجة قوليلي
فرح: تمام أوي
و ذهب عمر مكتبه

********************
و عند مكتب ادهم
يمشي ادهم ذهابا و ايابا و يقول
ادهم باستغراب و عصبية:ازاي يمسك ايديها كدة ايه الارف ده و بعدين انا مالي ما يولعوا
و جلس و جاء بقلم وكان يدوس عليها بشدة و لاكن قطعته
دخول دعاء و هي تقول
دعاء : المحامي وصل يافندم
ادهم: تمام دخليه

و دخلته دعاء و سلم عامر عليه و قال
ادهم: في جديد
عامر: المفروض بعد أسبوعين بظبط نروح تركيا علشان نشوف الأراضي الي هنا و نظبطها
ادهم: طيب تمام أوي
عامر: في جديد عندك
ادهم: نوران سكرتيرة عمر القديمة عايزة الورق تديه لمحمد
عامر:طب و هتعمل ايه

ادهم: لازم اظبط الموضوع ده و اتكتكله
عامر:ايوة بقول كدة بردو هستأذن انا و هاجي لحضرتك بكرة
ادهم: تمام أوي و لو في جديد قولي
عامر: اكيد السلام عليكم
ادهم:عليكم السلام
و مشي عامر و تنهد ادهم تنهيدة عميقة

*********************
في كافيه
تنزل نرمين من سيارتها و تدخل المكان و تفضل تبحث بعينيها عن الفتاه حتة وجدتها و ذهبت اليها و جلست و قالت
نرمين: ايوة حضرتك عاوزة ايه
المراه: انا اعرف مين الي قتل ابوكي الله يرحمه
نرمين: مين و قتل؟؟؟ ازاي بابا مات موتة سكتة قلبية
المرأه: لا لا لا محصلش

نرمين بقلق:طب قولي
الفتاه:نوران اختك أو الي عاملة زي اختك أو مفهماكي كدة هي الي قتلت ابوكي
نرمين:اييييه
يتبع

https://www.barabic.com/real-stories/13869