رواية احببته و تزوجني أخاه (الجزء الثالث عشر)

بعد شوية نسمع صوت صريخ ….💔جرينا انا وخالتو علي جوة لقينا وليد بضرب ميادة وبقول ليها دي تربيتي ليك وهي تبكي وتصرخ وبتقول ليه انت فاهم غلط ..ماجد قال لي وليد قام اداه كف قال لي حسابي معاك براه 😒 ترضي يحصل كدا مع اخوانك .انا اتدخلت قلت لي وليد في شنو ؟ ..

عاين لي ميادة قال ليها قولي لينا في شنو ؟ 😣 تاني عايز يضربها انا مسكتها قلت لي يااخ دي شنو الهمجية دي اتكلم من غير ضرب وسقتها ومشيت منو خالتو مسكته .. يااخ كان هااايج وعيونه حمر يخوف .. دخلنا غرفة انا وميادة قلت ليها مالكم في شنو ؟؟ قعد تبكي قلت ليها اسكتي وفهميني قالت لي ..

احمد كان بتكلم معاي وماسك لي يدي وبنضحك مع بعض بقي يقول لي انا بحبك وبتكلم معاي ..بس وليد جاء .. ضربني .وضرب احمد 😭😭قلت ليها خلاص ما تبكي انا بفهمه قلت ليها احمد مستعد يتقدم ليك قالت لي اي ❤قلت ليها طيب روقي انتي وانا بمشي لي وليد ..

طلعت لقيت خالتو عايزة تفهم الحاصل ووليد ما اتكلم مع زول ومشاعل قاعده جنبه قلت لي وليد ممكن دقيقة هايزة اتكلم معاك جاني وطلعنا برا قلت لي اقعد قال لي قالت ليك شنو ؟؟ قلت لي براحة ما كدا الكلام خلينا نتفاهم ..قعد قلت ليه اولا احمد و ميادة بحبه بعض .. قال لي دي قلة ادب شنو ..

قلت لي الحب ما قلة ادب وانت هسي مش يتحب 😒قال لي بالحلال .. قلت لي وهو عايزها بحلال الله 💓قال لي زول يخليها تحبه من ورا اهلها دا زاتو ما زول ثقة قلت لي عارف انها ما قعد تتكلم معاه ولا بتطلع بس حب من بعيد 💔 قال لي كيف دا قلت لي انت شايف ميادة ما قعد تطلع الا معاك صاح؟ يعني حتشوفه وين ..

قلت لي هسي انسي الحصل واحمد حيتقدم رسمي .كان منتظر انه يتخرج ويتوظف عشان يقدر يفتح بيت .سكت عاين لي .قلت لي وليد الله يرضي عليك انسي الموضوع وهم ما حيتكلمو مع بعض تاني الا بعد العرس ✋ قال لي خير يتقدم وبعدين نشوف اليحصل قلت لي خليك عاقل وادخل اتكلم مع ميادة برواقة كدا . جونا ناس احمد قال لينا نحن ماشين قلت ليهم اصبرو وقلت لي وليد امشي انت . 

مشيت لي احمد قلت لي مستعد تتقدم لي ميادة هسي ؟ قال لي كيف بدون ابوي قلت لي ابوك عنده  مانع قال لي لا انا كلمته قيل كدا ورحب بالموضوع .قلت لي خلاص هسي وليد يجي وقول ليه انك عايز تتزوج ميادة قال لي هو ما حيرضي يتكلم معاي قلت لي لا .. اقعد انت . انا دخلت لي جو لقيت خالتو قلت ليها خلاص مافي شي سوء تفاهم واتصلح💜✋ قالت لي الله يرضي عليك يابتي .

مشاعل قالت لي الحصل شنو قلت ليها اسالي وليد . 😒 وليد و ميادة جو  طالعين وعادين كانو ماف شي انا مشيت ناديت احمد جاء قال لي وليد انا عايز اطلب يد اختك ميادة علي حلال ربنا وسنة رسوله قال لي لما نرجع وجيب ابوك وابوي يكون جاء .. قال لي خير نحن نستاذن خالتو قالت ليه تمو معانا بباقي اليوم قال ليها لا احسن نتحرك بدري عشان الزمن .قالت لي طيب في امان الله ..

مشو وخلو الجو مكهرب عديل😂 قلت ليهم انا عايزة انوم وليد قال لي طيب يلا تعالي اوديك الغرفة الفيها وتين 💜مشيت معاه لقيتها نايمة هو طلع انا طلعت عبايتي والجو كان سخن حاولت افتح المكيف ابا مشيت اخدتا دش ولبست جلباب خفيف ورقدتا .. عايزة انوم وليد جاء داخل .

طوالي قمت .قال لي اتخلعتي مالك قايلة نفسك براك هنا .. طوالي رقد جنبنا قلت لي مافي مكان تاني قال لي فيه غرفتين دي وحدة والتانية فيها امي وميادة ومشاعل 😂 احسن لي هنا قال لي مصدع تعالي اقري لي قلت لي شكلك اتعودتا انت ماافي يلا قلت لي مسسخنة انا افتح المكيف ..

قام فتح التامين وفتحه يداب قدرت انوم نمنا ما صحينا الا بعد العصر وصحتني وتين وليد لسة كان نايم خليته  ولبست عبايتي وطلعنا لقيت مشاعل وميادة بتونسو ميادة قالت لي نحن جينا هنا عشان ننوم قلت ليها كنت فترانة وزاتو الايام دي نومي بقي كتييير شديد .. قال لي ظاهر .

مشاعل قالت لي وين وليد .قلت ليها نايم ..طوالي قامت مشت علي الغرفة عاينت لي ميادة قلت ليها دي مالا انا اقول ليها نايم ..طوالي قمت بي وراها عشان اقول ليها مصدع خلي ينوم .. استغربت في تصرفي .ميادة قالت لي الغيرة كعبة 😂😂 فتحت الباب ودخلت لقيتها راقدة جنبه وبتصحي فيه بي غنج ودلع كدا 😒 وهو نايم قبل منها تاني بقت تحااول تصحي فيها قال لي هند خليني انوم ..

قالت لي انا ما هند انا مشاعل فتح عيونو وعاين ليها قالت لي خلاص نسيتني .بقيت ولا شي وقعدت تبكي قالت لي بحاول اعمل كل شي عشان ارضيك وانت ولا شغال بي من جات البت دي وانت شغال بيها وبي بتها😭😭انت قبل تعرسها مش قلت لي عرس ورق سااي الحصل ليك شنو ؟؟ 😭😭وشغالة تبكي قام حضنها وقال لي روقي ما مستاهل دا كلو 💔وبقي يسكت فيها انا لقيت دموعي نازلة طوالي طلعت مشيت تحت شجرة وانا محتارة ماعارفة الحاصل لي من شنو ..

انه انا ما بحبه طيب مالي؟ وانا ليه نسيت مروان ؟ ليه بقي ما بجيني في احلامي ليه حياتي كلها بقت وليد بس ..طيب لو انا بحب  وليد حب مروان مشي وين😭😭 يالله صبرني ..اخدتا ميافة وقمت رجعت ليهم . خالتو جات وبقينا نتونس وعدت اليومين وكانو حلوات رجعنا البيت ووليد اتصل لي ابوه انو يوم الجمعة جاين ناس احمد يتقدمو لي ميادة .. وقال انو حيجي بكرا  كان اليوم اتنين . 

قالو يعملوها خطبة طوالي تكون عائلية و ميادة قالت العرس بعد شهرين .. طلعنا انا وميادة مشينا تشتري فستان انا وليد من يوم شفته مع مشاعل بقيت اتجنبه وهو لاحظ لشي دي وبقي ماافي بينا كلام غير يسال من وتين  وبقي ينوم مع مشاعل ..وانا دا قااهرني قهر 💔بس ساكتة ابو وليد جاء من السفر كان النوع الجادي شديد ..

سلم علينا وسلم علي وتين عادي ما نوع الجد ودي بت ولدو ما اشتغلت كتير بالموضوع بس عرفت ليه مروان ماكان عايز يعيش هنا وسبب تصرفات وليد دي كلها من قساوة ابوهم .. مياادة كانت مابتنوم متين يجي الجمعة 😂😂😂 وملت تلفونها صور حنة عشان قالت ماشة تتحن 😂😂مشيت معاها يوم الخميس رسمت يدينها وقالت لي الا ترسمي رسمت يديني ورجولي😍😍 وطلعت حلوة ..

يلا رجعت البيت ومع اللف حسيت نفسي تعبانة شديد وظهري واجعني قلت امشي انوم .. نمتا الا صحاني وليد بعد المغرب قال لي قالو تعبانة مالك قلت ليه ماف شي هسي كويسة تعب سااي قال لي الحنة رهييبة ياخ😍 قلت لي شكرا وعايزة انزل قال لي هند في شنو لي ايام شايفك بس مطنش قلت لي مافي شي قال لي قدر ما اقول الوضع اتصلح بينا انتي تخربي مالك ؟ قلت لي ماف اي وضع حيتصلح انا وانت متزوجين في الورق بس قال لي قلتي كدا قلت لي اي بس قال لي يااخ انا تعبت معاك ومع عنادك دا خليك كدا بس ..

وطلع .. رقدتا نمت تاني ..ميادة صحت البيت كله من 5 😂 قمنا جهزنا وعملت الحلويات وجو اهل وليد وناس احمد وسلمت عليهم ولبسو الدبل يااخ ميادة دي حسيتها من الفرحة حتجن ..باركت ليها حضنتني شديد قالت لي لو ماانتي ما كان حصل دا كله .. 😍😍 كان يوم حلو ..

بعد الناس مشت رتبت البيت انا ومشاعل وطلعت عشان ارتاح ..وانا راقدة وليد جاب شنطة وفتح الدولاب ولا اتكلم معاي بقي يلم ملابسه قلت لي ماشي وين قال لي مسافر قلت لي شنو ؟ قال لي عندي شغل في الصين شهر … قلت لي وما كلمتني مالك قال بي هسي كلمتك ..

قلت لي طيب مدام انت مسافر اخليني امشي السودان قال لي عرس ميادة قرب اسافر واجي وبعدها نمشي السودان حسيت بي بلعب بي ساي قلت لي قايم متين قال لي طالع هسي 💔 جاء باس وتين وقال لي خلي بالك منها  ومن نفسك وودعني وطلع 💔انا قعدتا ابكي قلت اي كنا ما بتكلم مع بعض ولا في شي بس قلعد معاي في نفس البيت💔😭 ومن سافر وانا مؤنفسنة عديل كلامي بقي بسيط ومافي بينا تواصل كانو قااصد يختفي فجاءة من حياتي ..

بقينا في  تجهيز العرس وبحاول انسي اي شي 💔 مرا شهر وايام من سافر وماافي اي خبر والعرس قرب انا ما كنت بسال منه خالص بس قلبي ما مطمن مشيت لي ميادة قلت ليها وليد ماجاي قالت لي اتصل لي امي الصباح قال لسة شوية .. يااخ زعلت زعل يعني بتصل علي امه وغالبه يتصل علي 😭😭وقعدتا ابكي فجاءة حسيت الدنيا ضلمت وراسي تقل ..

وتاني ماحسيت الا وانا في المستشفي خالتو جنبي قالت لي حمدلله علي السلامة .قلت ليها الله يسلمك قالت لي مبرووك وتتحلي بالسلامة قلت ليها مالي انا الدكتور قال شنو ؟قالت لي حامل يابتي وربنا ارااد لي وليد الجنا منك 😍 قلت ليها شنو حامل 😨ياخ انا لما اتخلعتا .. قلت ليها كيف دا ؟؟ قالت لي عند الله مافي شي مستحيل 💔 قلت مش وليد قال هو عقيم انا حامل كيف 😨.

https://www.barabic.com/stories/14757