رواية الصياد (الجزء الاول) (الفصل العشرون والاخير)

استيقظ احمد قبل ابيه وامه فقرر ان يمزح معهم فابتعد ووقف بجانب السرير وصرخ باعلى صوته قائلا  بصراخ .
.باباااااا ماماااااا الحقوا البيت بيولع
انتفض كلا من سليم ونوران من نومهما وقاموا ليروا ما يحدث

فى هذا الوقت كانت منى مستيقظه وتعد الافطار وسمعت صراخ احمد وركضت لترى ما يحدث
سليم .بخضه….ايه اللى بيولع وركض الى المطبخ ولم يجد شيء فذهب الى غرفه نوم امه ولم يجد شيء فوقف فى الصاله وصرخ باعلى صوته قائلا
..احمممممممممممد
فانتفض كلا من نوران ومنى على صوته

منى بخوف…اهدى يابنى ده عيل صغير مش عارف حاجه
جاءت نوران لتتحدث هى الاخرى اشار لها سليم بيده بمعنى اصمتى
جاء احمد وهو  يحنى راسه الى الاسفل ويكتم ضحكته وسليم ايضا عندما راه هكذا
سليم بجديه مصطنعه..ايه اللى انت عملته ده
احمد ببراءه ..انا معملتش حاجه يا بابا

سليم وقد رفع له حاجبه ..والله ايه البراءه دى يا ابن نوران قلبت فرخه دلوقتى
رفع احمد راسه بتحدى له واجابه بغضب
لو سمحت يا بابا متقولش عليا فرخه انا راجل وانا بعترف انى كنت عامل فيكم مقلب انما تقلل من قيمتى فده انا مسمحش بيه ابدا
سليم بذهول..قيمه مين يا شبر ونص انت ليك قيمه اصلا
احمد بحنق….ماما تيته قولوا لبابا يسكت علشان انا لو فقدت اعصابى الدنيا هتبوظ وانا مش مسؤول عن اللى هيحصل انتوا حرين

نوران بابتسامه…بس يا سليم الولد مضايق سيبه بقى
منى بذهول …..لا يا سليم بالله عليك سيبه نفسي اشوفه لما يفقد اعصابه هيعمل ايه الشبر ونص ده
احمد بغضب ….ايه يا منى اللى بتقوليه ده متخلنيش ابوظ الشبشب بتاعك
رفعه سليم من ملابسه للاعلى
سليم بحده مصطنعه …ورينى بقى يا شبر واقطع لما اعصابك تفلت هتعمل ايه عايز اعرف
احمد بحنق طفولى ..يا ناس ارحمونى بقى سيبنى يا بابا برستيجى باظ

سليم بضحك ….نعم برستيجك
قاطع حديثهم جرس الباب فذهبت نوران لتفتح الباب وجدتها دانا ابنه الجيران فى نفس عمر احمد
نوران بابتسامه ….اذيك يا دانا
دانا..الحمد لله يا طنط احمد موجود اصله كلمنى وقالى تعالى الصبح
نوران..اه يا حبيبتى اتفضلى

دخلت دانا وجدت سليم يرفع احمد من ملابسه الى الاعلى
دانا وهى تضع اصبع على شفتيها.. ..احمد انت عامل كده ليه
احمد بابتسامه..اذيك يا دودو
دانا واخفضت راسها الى الاسفل ..الله يسلمك يا احمد قلتلك كام مرة متقوليش يا دودو ادام حد بتكسف والناس تقول علينا ايه

احمد..مش انتى خطيبتى يا دانا
دانا.اه بس محدش يعرف بليييز متقولش كده ادام حد تانى
انزل سليم ابنه وهو مندهش من ابنه وهذه الصغيره
سليم بذهول..انت خطبت يا واد من ورايا
احمد بابتسامه….ايوه يا بابا جبتلها خاتم ولبستهولها وبعدين انا مش صغير
نوران وهى تكتم ضحكتها ..الف مبروك يا حبيبي

احمد ببراءه..الله يبارك فيكى يا ماما عقبالك
سليم..عقبال مين يالا انت عايز امك تتجوز وانا ايه الله يرحمنى بقى ولا ايه
منى وهى تمصمص شفتيها ….عشنا وشوفنا المحروس الصغير راح خطب من ورانا
احمد بحنق …كده يا تيته مفيش الف مبروك ولا حاجه ده انا حبيبك
منى..انا مرارتى اتفقعت هروح اكمل تجهيز الفطار
احمد وهو يمسك يد دانا ….يالا دانا ندخل نلعب

سليم بابتسامه….لا عايزين تلعبوا يبقى فى الصاله مينفعش تقعدوا لوحدكم
دانا..ليه يا اونكل سليم
سليم..علشان يا حبيبتى انتوا لسه مخطوبين لما تكتبوا الكتاب ابقوا اقعدوا لوحدكم صح يا ام احمد
نوران بضحك ..صح يا ابو احمد
احمد بتساؤل  ..واحنا نقدر نكتب الكتاب امته يا ماما
نوران ..لما تتموا 18سنه

احمد بحنق وهو يعد على اصابعه ….يااااه لسه هستنى 13 سنه كمان على العموم ماشي
قاطع حديثهم جرس الباب وكان فهد وهند ابنهم فارس ذو الخمس سنوات
سليم بضحك ..ايه اللى جابكم على الصبح كده
فهد بابتسامه ….جاى افطر عندكم بس مين المزه الصغيره دى واشار على دانا
هند بضحك…دى قد ابنك يا فهد
احمد بغضب وقد داس على قدمه ..دى خطيبتى يا اونكل وانا مسمحلكش تعاكسها
فهد بذهول ..خطيبتك

هند بذهول.. انت خطبت امته يا ابن اخويا
احمد وامسك يدها واراهم الخاتم ..اه خطيبتى وده خاتم الخطوبه يا عمتى
فهد بذهول  ..الواد بيتكلم جد يا سليم
سليم..ايوه ابنى خطب وابنك  لسه
فهد..اه يابن سليم لا ابن الصياد وابن الصياد لازم يطلع صياد لابوه
جلسوا يتناولون الافطار اما احمد وفارس ودانا كانوا يلعبون مع بعضهم
هند….وحشتنى اللمه دى بقالنا كتير متجمعناش

منى بضحك…حد قالك اشتغلى انتى من زمان مفيش بينك عمار انتى والشغل جايه تشتغلى بعد ما خلفتى فارس
فهد بابتسامه…قوليلها يا خالتى
نوران…ااه
سليم بلهفه…فى ايه حاجه بتوجعك
نوران بابتسامه…لا مفيش بنتك بس بتدلع علينا
هند بابتسامه…هيا الدكتورة قالت انها بنت
نوران بابتسامه…اه ادعيلى بقى اصل شكلها هتطلع شقيه زى احمد

سليم …ملكوش دعوة بالبت ان شاء الله هتبقى حبيبه ابوها كلها اربعة شهور وتشرف حبيبه الملايين
نوران بابتسامه…شوفتوا اهه كده من ساعه ما عرف انها بنت
خرجت دانا من الداخل وهى تبكى ووقفت امام نوران وهى تفرك عينيها قائله
انا ماشيه يا طنط
نوران…مالك يا دانا مين اللى مزعلك
قبل ان ترد دانا خرج احمد من الغرفه غاضبا وقال

بتلعب مع فارس وانا قلتلها متلعبش مع ولاد علشان كده انا زعقتلها وهيا عيطت
سليم بابتسامه…تعالى يا دانا متزعليش ابنى رخم ونفسي اعرف طالع لمين
منى بسخريه…طالعلك يا حبيبى طالعلك ده انت بهدلت امه قبل الجواز
ضحكت هند ونوران على كلامهم فى حين نظر له فهد بغيظ قائلا
لا حمش يا ابن سليم حمش يا ابنى قومى يا هند نروح
وقف فارس بجانبه قائلا ببكاء
انا عايز العب مع دانا يا بابا

سليم بضحك …اصبر اربع شهور ان شاء الله لما النونو الجديده توصل ووعد منى هخليك تلعب معاها
بعد اربع شهور
نهضت نوران من النوم وهى تصرخ قائله
اااااه الحقنى يا سليم مش قادرة
نهض سليم من نومه بفزع قائلا
فى ايه
نوران بصراخ …اااااه بولد بولد
سليم بحنق…متاكده يعنى انتى بهدلتينا فى احمد اسبوع

نوران بصراخ …يا مامااااااااااا
نهض سليم بسرعه قائلا
خلاص خلاص يالا اوديكى المستشفى
ذهب ليغير ملابسه ثم عاد اليها مرة اخرى قائلا
انتى متاكده انك بتولدى يعنى المرة دى ولا ايه
نوران…..اااااااااه يا مامااااااااا
دخلت منى الغرفه مسرعه قائله

انتى بتولدى ولا ايه
نوران …حوشى ابنك عنى
منى بحده ..انت واقف كده ليه روح غير هدومك نوديها المستشفى
فى المشفى
كانت نوران مع الطبيبه بالداخل وسليم يقف امام غرفه العمليات دقائق وسمعوا صوت بكاء الصغيرة
سليم بابتسامه….الحمد لله الحمد لله
خرجت الممرضه وهى تحمل الصغيره فاخذها سليم منها قائلا بلهفه
نوران عامله ايه

ابتسمت له الممرضه قائله
المدام بخير وهتتنقل اوضتها حالا
حمد سليم ربه وكبر فى اذن الصغيره وقال
دينا سليم السيوفى
بعد مرور اسبوع

كانت نوران تحمل الصغيره بين يديها وسليم يجلس بجانبها  ويقف امامها فارس قائلا بتذمر
عايز العب معاها بقى يا اونكل سليم
سليم بابتسامه….يا ابنى اهدى البت لسه صغيره استنى تكبر شويه والعب معاها
فارس….ماشي يا اونكل
بعد مرور عشرون عاما
فى صاله التدريبات بالمخابرات
سليم بسخريه ..اضرب يا وحش مالك فرهدت كده

احمد بابتسامه …انا مش عايز اتقل عليك وانت بقيت عضمه كبيره
سليم بغرور..ده انا شباب اكتر منك ولكمه فى وجهه
احمد..كده يا صياد احنا مش قلنا الوش لا والوش مفيهوش معلش ولكم سليم هو الاخر
سليم بغيظ ….اه يا بن نوران والله لاربيك وضربه سليم عده ضربات اسقطته
فهد بضحك.. ..اوعى الصياد وابنه بس كنت فاكرك وحش يا احمد زى ابوك طلعت سلعوه
ساعد سليم احمد على النهوض

احمد..ماشي يا فهد باشا ليك روقه امال المعفن فارس فين من يوم ما رجع من السفر وانا مشفتوش
فهد..اكيد فى الكليه دلوقتى النهارده اول يوم ليه
احمد..طيب انا رايحله
كانت تمشي وهى تلعب بهاتفها ولم تنتبه الا عندما اصطدمت بشخص
فارس..مش تفتحى
دينا بغضب..انا اللى افتح انت اللى ماشي زى القطر

فارس..انا قطر يا شبر ونص طب ماشي انا هقول لابوكى  شفتك النهارده وانتى بتتكلمى فى المحاضره وقلت بلاش احرجها قدام زمايلها لكن دلوقتى مادتى دى بالنسبه ليكى هتبقى عقبه ومش هتعرفى تعديها
دينا بسخريه….. ياااه خوفت يا ابن عمتى طظ فيك وفى مادتك واه ابقى روح قول لبابا وتركته وذهبت
فارس بغيظ …..ايه البت دى عليها لسان عايز يتقص منه مترين بس بحبها ولازم اربيها
اما دينا ابتعدت عنه وقالت بغيظ

انا تعمل فيا كده يا ابن هند صحيح بحبك بس طلعت ندل وسافرت ومسالتش فيا واتصلت على صديقتها رحيق
دينا بابتسامه ..عندى ليكى مفاجاه جامده اخر حاجه
رحيق…….
دينا بخبث….لا يا حبيبتى اما اشوفك بكرة حد قالك تغيبى النهارده سلام يا قلبى
دينا بابتسامه ….اما اروح اشوف نوران وسليم حبيب قلبى
فى منزل سليم
منى بتساؤل ….امال دينا فين

نوران بابتسامه .. ..زمانها جايه يا ماما
سليم بضحك ..البت دى بتوحشنى اوى
نوران….هههههه لانها شبهى مش كده
سليم وهو يقرصها من خصرها قائلا …يا واد يا واثق انت
منى بسخريه ..يا بنى عندك ولد وبنت على وش جواز ومش عايز تعقل ابدا
سليم بابتسامه ….اعقل هو فى حد اعقل منى صح يا نوران
نوران…هههه فعلا عاقل اوى حضرتك

وصلت دينا الى المنزل
دينا…خيااااااااانه
سليم..فى ايه يا بت انتى
دينا..بتاكلوا من غيرى دى اخرة تربيتى فيكم
سليم..يا بت اتهدى بقى واعقلى
منى..وهيا هتجيب العقل منين احمد ورث عنك قله الادب ودى ورثت الهبل ومحدش طلع هادى ومسالم لنوران ابدا ولا كيوت وحلو ليا

دينا وهى تقرصها من خصرها ..يا واد يا كيوت العبى يا منى يا جامده
منى بحده….طالعه لابوكى فعلا
اما احمد كان يقف امام مدخل العمارة ودانا تقف امامه قائله بضيق
ابعد عن وشى دلوقتى
احمد بابتسامه…يا بنتى اتقى شري احسنلك
دانا بحده….ابعد عنى لاصوت والم عليك المكان
ضحك احمد بشده ثم قال

صوتى كده وورينى الناس كلها عارفه اننا مخطوبين واحنا صغيرين
دانا بغضب …اوف بقى رخم فعلا
غادرت دانا الى شقتها اما احمد صعد وهو يبتسم عليها قائلا
ماشي يا دانا بكرة اتجوزك واعقلك يا بنت دريه
صعد احمد الى شقته وجد امه تجلس بجوار ابيه فقالت
مزعل دانا ليه انا شايفاكوا من البلكونه
احمد….بقولها تتجوزينى مش راضيه

سليم بسخريه….مش طالع ليا ابدا يا ابنى انا اقنعت امك انها تتجوزنى فى ساعه والله انما انت خاطبها من عشرين سنه ومش عارف تتجوزها
احمد….سيبك منى انا هتصرف
سليم وهو يحتضن نوران التى تجلس بجانبه قائلا
ايه يا وحش لسه بتحبينى
همست نوران فى اذنه قائله
انت لسه بتسال يا صياد انا وقعت فى شباكك من زمان اوى

تمت بحمد الله
بقلم / شيماء رضوان
انا لما عدلت النوفيلا عدلت الجزء الخاص بسليم ونوران وفهد وهند لان اولادهم عايزين جزء خاص لوحدهم حاليا مش هقدر انزل الجزء التانى لانى مشغوله اوى الفترة دى انما وعد منى فى جزء تانى من الروايه دى هيكون لاولادهم مع وجود سليم ونوران وفهد وهند ومنى لان دورهم هيبقى كبير
الى اللقاء مع الجزء التانى اتمنى كل اللى قرا الروايه يقولى رايه فى الجزء الاول كله بلاش النهارده تم والايموشن او الملصقات النهارده عايزة اعرف رايكم فيها
دمتم سالمين

https://www.barabic.com/stories/15255