فتاة سجد لها الشيطان الجزء الأول
بالعربي / شهد ١٨ سنة وحيدة ابوها وامها ..اولى تجارة انجلش كعادتها تقضي معظم وقتها في غرفتها أمام اللاب توب.
الفايسبوك مفتوح دائما لا يغلق نهائيا لديها صفحة يتابعها الكثيرين من مختلف البلدان في منشوراتها الجريئة الشاذة عن الجنس وغيره جذبت إليها عيون الكبار قبل الشباب ممن يعشقون هذا النوع من المنشورات وخاصة عندما تكون من فتاة جريئة مثلها لديها أصدقاء من مختلف البلدان تتحدث معهم في كل شئ وهي الآن تتحدث مع هيثم من لبنان
هيثم .. ايه مش ناوية تنهي وتفتحي الكاميرا ؟
شهد .. لا يا حلو .. بنكسف
هيثم .. متخفيش هودي وشي بعيد
شهد .. ههههه .. ولما تودي وشك بعيد هتشوفني ازاي ؟!!
هيثم .. كفاية قلبي يشوفك يا جميل
شهد .. طيب لو عايز تشوفني اعمل اللي اقلك عليه
هيثم .. ماشي .. عايزاني اعمل ايه ؟
شهد.. عاوزاك تفتح الكام وتجيب ما يكاب وتحط في وشك قدامي لحد ما اصدق انك بنت
هيثم .. نعم ؟!! مايكاب .. انتي شايفاني بنت .. انا راجل يا ماما
شهد .. خلاص وانا مفتحش الكاميرا لراجل
هيثم .. انتي اكيد مجنونة
شهد .. انا مجنونه يا اهبل انت .. بلوك .. يلا في ستين داهية
الام تفتح باب الحجرة وتنظر اليها في تعجب
الام .. بتعملي ايه يا شهد ؟!!
شهد .. ولا حاجة يا ماما قاعدة ع الفيس
الام .. ايوه بتعملي ايه في البتاع ده
شهد .. كنت بكلم هيثم من لبنان
الام .. وده زميلك في الكلية يعني ؟!!
شهد .. كلية ايه يا ماما دا صديقي ع الفايس من لبنان
الام .. يا بنتي انتي قاعده تكلمي ناس متعرفهاش ؟!!
شهد .. لا خلاص عملتله بلوك
الام .. ودا ايه دا كمان ؟!!
شهد .. مش هتفهمي يا ماما .. انتي عاوزة حاجة ؟؟
الام .. عايزاكي تقومي تساعديني شوية في شغل البيت
شهد .. كل يوم تطلبي مني الطلب ده مع انك عرفه الاجابة كويس .. اسفه
الام .. يا بنتي عيب قومي اعملي حاجة معايا .. اتعلمي حاجة تنفعك لما تتجوزي .. اشحال مكنتيش بنت
شهد .. لا انا مش هتجوز .. انا عايزه اكون عانس
الام .. يا ساتر يارب .. في بنت تقول كدا ؟!!
شهد .. بصي انا الحاجة اللي البنت متقولهاش تلاقيني قلتها واللي متتعملش تلاقيني عملتها على طول .. فهماني ؟
شهد .. مش فهماكى والله .. طب قومي البسي حاجة تقيلة علي جسمك في بنت تقعد بشورت وحمالة في عز البرد .. بعدين هتعيي
شهد .. بالعكس انا حاسة ان الجو حر جدا
الام .. حر ايه بس وبعدين اوضتك ريحتها سجائر !!
شهد .. لا دي سيجارة كدا تفاريح
الام .. يا حول الله يارب .. مش قلنا نبطل شرب سجاير ؟!! يا بنتي عيب ميصحش وبعدين صدرك يتعب .
شهد .. متخافيش لو تعبت هبقي اكشف عند إسلام جارنا .. هو مش بتاع حساسية وصدر ووراك ورجول وكدا يعني
الام .. لا انتي لما يجي ابوكي يشوف له صرفة معاكي انا مبقتش قادرة عليكي ومبتسمعش الكلام
شهد بسخرية .. كل مرة تقولي كدا وبتقوليلة ومبيعمليش حاجة .. فمتتعبيش نفسك وتقوليلة لانه مش هيعملي حاجة
الام .. لا انتي اتمرعتي علينا اوي .. ماشي يا شهد
ثم تتركها وتنصرف .. شهد تلاحظ رسالة غريبة علي الماسنجر الاكونت باسم الشيطان تتعجب للأسم والبرفيل الذي يحمل صورة مخيفة .. الرسالة تقول .. خلصتي كلام مع ماما .. مستنيكي من بدري
شهد تتعجب وترسل له رستا .. انت مين ؟!!
الشيطان.. انا الشيطان
شهد بسخرية .. تصدق خفت .. طب انصرف يا شيطان
الشيطان .. انتي مش حاسة بالبرد وانتي قاعده كدا؟!! .. بس بجد جسمك جميل ورشيق
شهد تشك ان الكام مفتوحة ولكن تجدها مغلقة
الشيطان .. الكاميرا مقفولة متقلقيش .. انا مش محتاج كاميرا عشان اشوفك
شهد .. انت شايفني بجد ؟!!
الشيطان .. ايوة
شهد .. طب انا لابسة ايه ؟
الشيطان .. لابسه شورت ابيض وتي شيرت كت بمبي
شهد تنظر الي ملابسها فتتعجب كيف يراها ؟!!
الشيطان .. اتأكدتي اني شايفك ؟!!
شهد .. انت مين وعايز ايه ؟؟!!
الشيطان .. عايز نكون اصدقاء
شهد .. انت ازاي شايفني ؟!!
الشيطان .. لو مشفتكيش مبقاش شيطان
شهد .. يعني انت مش انسان زينا ؟!!
الشيطان..انا لو انسان مش هقدر اشوفك .. فين ذكائك يا شهد ؟!!
شهد .. انت تعرف اسمي كمان ؟!!
الشيطان .. انا اعرف عنك كل شئ
شهد تحاول حظره ولا يتم الحظر .. تتعجب لذلك
الشيطان .. ليه كدا ؟!! بلوك من اولها !! طب شوفي باباكي وارجعيلي
ثم يدخل الأب علي شهد .. شهد في ذهول شديد.
يجب أنت تكون مسجل الدخول لتضيف تعليقاً.