قصة جنون الحقد (كاملة)

بالعربي – متزوج من ١٤ سنه عندي اولاد وبنات ولله الحمد اعمل مدير مستشفى وزوجتي لا تعمل شهادتها ثانوي مستواي عالي جدا احب التميز في كل شي.

تتميز في عملي في عايلتي حتى علا زوجتي ماحب تصير احسن مني في اي شي واذا تميزت بشي حطمتها وتعللت في عملها اللي سوته انها ماتعرف وتجهل فنون الحياة وأنها زوجه عاديه وانها ممنونه لي باني رضيت فيها رغم مستواها .

حياتي مع زوجتي جافه ما اعطيها اي قيمه انظر لها شي واطي في حياتي وشي لابد من تغييره لأنها لا تناسبني ولا تناسب مستواي الفكري والمادي والعلمي .

كان بينا مشاكل في حياتنا دايم هي اللي تتنازل وتتغاضى لاني افرض نفسي عليها غصب عنها تعترف باني الأفضل رغم اني بصراحه من داخلي مقهور منها رغم مستواها ثانوي إلا أن الكل معجب بشخصيتها عندها كاريزما عجيبة في الأسلوب الراقي كلامها مثقف عالي جدا.

اهلي واخواني يحترمونها ويلجؤن لها بالاستشارات كلامها واقناعها حلو ومميز بس فيني قهر عنيف منها كيف تكون تتكلم احسن مني وانا مدري كيف تكون تتعامل برقي وانا حتى أسلوب حلو زي اسلوبها ماعرف كثرت المشاكل بيننا آخر مشكله كانت نهاية حياتي معاها.

كنا في بيت العائلة متجمعين اهلي ونتناقش ونتحاور وكنت مقهور انها لما تتكلم الكل معجب بكلامها وقف من قمة قهري اصارخ عليها انتي زباله انتي ما تعرفين شي هذي اللي مستانسين على كلامها عندي ولاشي بس كلام هاذي تحمد ربها اني خذيتها وامي كانت تحاول تسكتني .

وانا ازيد كنت ابغى اشوف انكسارها لكن للاسف رغم قسوة كلامي بقت ساكته ماتكلمت ولا نزلت منها دمعها وبكل بساطه قامت وقالت اكرمكم الله ع الضيافه يا عمي وعمتي واخواني.

وطلعت من البيت لحالها انا استغربت ردة فعلها غير عن كل مرة تزعل وترد علي وووو راحت وخلت عيالها وراها رغم هذا ما برد غيضي قلت بروح البيت اكسر راسها ليش تحقرني وخذيت العيال وصلنا البيت طلعت الغرفه مالقيتها دورت بكل مكان مالقيتها اتصلت على جوالها ماترد اتصل مرات الخط مقفل زاد قهري .

قلت اروح لأهلها يضربونها ورحت لبيت اهلها لقيت ابوها واقف برى شكله ينتظرني نزلت وانا معصب قالي اسكت ولاكلمه قلت اللي عندك وخلاص فبيت اهلك معاد لك عندنا زوجه ودخل وقفل بوجهي الباب انا منصدم باللي سمعته مصدق مو مصدق قلت لنفسي معليه اعرفها تموت على عيالها قلت والله لاحرق قلبه عليهم.

لين ترجع تحب رجولي ارجعها رجعت البيت انتظر يوم يومين شهر شهرين أربع ست شهور ولا حد سال جاني فضول احب اعرف وش فيها وصيت اختي تسال عنها قالت اخي لنا فتره اتصل جوالها مفصول مدري وش علومها احترت قلت غريبه حتى عيالها ما سالت عنهم .

وعيالي اذوني يبون امهم رحت لبيت اهلها طلع اخوها الصغير سألته مارد علي دخل وقفل الباب دقيت ع جوال ابوها مارد وقفل جواله زادت حيرتي كيف اعرف علومها دقيت ع اخوها الكبير رد قال هلا قلت اخبارك قال وش تبي قلت بسأل عن أم عيالي قال طيب تعال عندي بعد المغرب البيت .

قلت تم وقفلت بعد المغرب رحت عند اخوها من شفت وجهه ماتطمنت قلت لي فتره اسال ماحد رد علي منكم قال اخوها وش تبي الحين قلت برجعها .

قال طيب تعال معي ورحنا المستشفى قلت له وش صاير قال بتشوف دخلنا غرفه انصدمت من المنظر اللي شفته كان المنظر مريع طلعت ما تحملت وانا ابكي قال اخوها باقي في كلام يجرح ونسيت تقوله وجاي ترجعها تقوله وانا ابكي واقوله وش فيها وش صار لها .

قال من طلعت من بيت اهلك جات عند بيت ابوي بتكسي وصلت وهي منهاره وتبكي وتصارخ تقول قتلني بكلامه وتعبت علينا ونقلناه المستشفى وزادت حالتها خطورة تحاليل فحوصات طلع عندها سرطان الغريب انو يقولون الدكاترة انو لسى في بدايته .

استغربوا كيف بيوم انتشر بسرعة تمكن منها وهذي حالتها من خمس شهور في تدهور حتى الكيماوي ما يفيد لها وانا ابكي ابكي من حالها راح اخوها ثم رجع قالي حسبي الله عليك .

قتلت اختي زهره ودفنتها حيه هذا انا حقدت عليها لانها افضل مني واليوم هي بين الحياة والموت بسبتي أتمنى تحللني ندمان كثير😭😭😭 رفقا بالقوارير