رواية حب وألم الجزء التاسعة عشر
تاني يوم صحيت بدري وأفطروا وقرروا يروحوا برج ايفل ولبست فريدة فستان ابيض طويل وواسع وصندل فضي وسابت شعرها مفرود وآدم لبس شورت بيج وتيشيرت نبيتي و نزلوا طلبوا تاكسي ووصلوا برج ايفل الساعه 8 ونص عشان يلحقوا يدخلوا قبل الزحمه واول ما جت الساعه تسعه دخلوا و آدم قالها:
آدم وهو بيضحك :اسمحيلي اكون المرشد السياحي بتاعك
فريده: يا ريت
آدم: بصي بقى يا ستي برج ايفل فضلوا يبنوه سنتين و خلصوه سنة 1889 طوله 300 متر و فضل أطول مبنى في العالم لمدة 40 سنة
وبيتكون من 3 ادوار اول دور عبارة عن متحف يحكي قصة بناءه والدور التاني محلات التذكارات ومطاعم والدور الثالث فيه متحف فيه مكتب المهندس إيفل اللي بناه …..و بتبصيلي كده ليه؟
فريده:اصل شكلك حلو اوي وانت بتشرح وبعدين انت دقيق اوي
آدم ضحك وقالها: وبالنسبه لطلوع البرج ممكن نقطع تذاكر ونركب الاسانسير و ممكن نطلع مجانا على رجلينا تحبي ايه؟
فريده:اوكيه تعالي نطلع على رجلينا
آدم وهو بيضحك: هتطلعي 1653 سلمه على رجليكي!!!!!
فريده:ايه ؟؟؟ لأطبعا يلا نركب الاسانسير
و طلعو البرج واتفرجوا على كل حاجه وفي الآخر قعدوا في مطعم جوه البرج عشان يتغدوا وبعد ما خلصوا غدا آدم قالها:
آدم:مبسوطة يا فريده ؟؟؟؟؟؟
فريده:اوي اوي ده احلى يوم قضيته في حياتي
آدم:وانا كمان , انا جيت هنا كذا مره بس ده احلى مره فيهم
فريده وشها احمر:اشمعنى؟
آدم:عشان انتي معايا, اقولك على سر؟
فريده:قول
آدم:عارفه لما كنتي صغيره قبل ما تسافري المانيا مع باباكي ومامتك كنتي وقتها عندك 6 سنين تقريبا فاكره؟
فريده:لأ خالص بس بابا كان بيحكيلي
آدم:كنتي كل ما تيجي عندنا البيت تفضلي قاعده جنبي وتروحي ورايا في كل مكان وكانت مامتك تقعد تقولك بالالماني عيب كده
وانتي تقوليله بالمصري انا بحبه وانا كنت بقعد اضحك على اسلوبك في الرد عليها
فريده اتكسفت:انا كنت بعمل كده؟
آدم كمل بحزن:بس انا ساعتها كنت في الكليه وانتي لسه مدخلتيش المدرسه
فريده:ليه محسسني انك عندك 60 سنة؟
آدم:بس انا فعلا اكبر منك بكتير
فريده:اولا 13 سنة مش كتير ثانيا بابا كان أكبر من ماما ب16 سنه وهي اللي صممت تتجوزه من كتر حبها ليه
آدم:شوفتي اديكي تقولي هي اللي صممت مش وضع اتفرض عليها
فريده:بس يا آدم…….انا
آدم:انتي ايه يا فريده؟
فريده:انا با………
جه صوت من وراهم:فري مش معقول
بصت فريده وآدم لقوا مراد ادامهم : اهلا يا مراد
مراد:بتعملوا ايه هنا؟
آدم و هو مضايق:احنا في شهر العسل
مراد:بجد آل مبروك
فريده: الله يبارك فيك
آدم:ميرسي يا مراد
مراد:لازم نسهر سوا انهارده
آدم: ان شاء الله
مراد:خلاص نتقابل بالليل في الشانزليزيه
واتفقوا على اسم كافيه ومشي مراد وسابهم مع بعض بس كان آدم شكله متغير ففريده سألته:
فريده:مالك يا آدم انتي ادايقت عشان قابلنا مراد؟
آدم:انتي اللي قولتيله اننا بنتغدى هنا؟
فريده:لأ طبع انا مكلمتوش بقالي مده طويله
آدم:طيب يلا عشان نروح الفندق نرتاح شويه عشان ننزل نقابل مراد بالليل
فريده:آدم لو مدايق بلاش نقابله
آدم:لأ طبعا عشان تطمنوا على بعض ما انتوا بقالكوا كتير متكلمتوش
وسكتت فريده ورجعوا الفندق وهم متضايقين من بعض وفضلوا ساكتين وبالليل لبس آدم بنطلون لونه ابيض وعليه قميص ازرق وشوز ازرق وفريده اختارت فستان لونه فوشيا بكوم ومفتوح 7 من عند الصدر ونازل على واسع وقماشته ناعمه وعملت شعرها ضفيرة على جنب وحطت ميك اب هادي والبرفيوم اللي آدم اشتراه لها وآدم بصلها وهو حاسس انها لابسه كده عشان مراد ومكنش يعرف انها بتحاول تبين له انها تحبه بس هو مش قادر يفهم………………
يجب أنت تكون مسجل الدخول لتضيف تعليقاً.