رواية زهرة والبيت الملعون الجزء العاشر
بعد خناقة كبيرة بيني وبين جوزي على الرجوع للموضوع الحفر و الكنز ده تاني ، فوجئت تانى يوم بعد ما نمنا فى نكد انجي جت وكان وشها متغير ولونه مختلف .
يدوب فتحت الباب لقيتها دخلت مباشرة من غير ما اقول اتفضلي او اسألها عاوزة ايه ، دخلت وقالت معلش اسفة بس فى حاجة حصلت معايا غريبة اوووى .
بصيت ليها مستغربة اووى وفى اللحظة دى خرج فؤاد يشوفها مالها ؟
قلت ليها وانا بصراحة مش عاوزة جوزي تدخل فى دماغه موضوع الحفر والكنز ده قلت : حصل ايه خير ؟ .
قالت : وهى متوترة وخايفة كنت فى المطبخ بعمل عشا وبعد ما خلصت خدته الاوضة علشان اتفرج على التلفزيون وانا بأكل، فجأة لقيت التلفزيون قفل ، بصيت على الكهربا لقيتها شغالة استغربت هو قفل ليه ! .
قمت اشوف الكهربا واصلة ليه لقيتها واصلة ومفيش مشكلة ! ولسه بقول نفسي طيب فيه كهربا امال قفل ليه ؟!
ولسه مخلصتش كلامى سمعت صوت ورايا بيقول: انا قفلته ، اتفزعت وخفت اوووي. ايه ده: انت مين ودخلت هنا ازاي ؟.
ظهور جن اخر
كان واحد طويل اووي وجسمه ضخم وكبير جداً، رد و هو بيبتسم ابتسامة ثقة : انا ادخل اي مكان فى اي وقت من غير حواجز ههههه.
انا اترعبت وقلت اخرج برة بدل ما اصوت والم عليك الناس ، قعد يضحك ضحكة مستفزة اووي وقال: صوتي محدش هيسمعك ولو حد سمعك مش هيشوفني
وهيقولوا عليكي مجنونة هههههه.
بصيت ليه وانا مستغربة وقلت ليه يعني هو حضرتك عفريت يعني! ضحك كمان اووووى وقال : ايوة انا عفريت بس متخافيش انا بحبك وعاوز اساعدك .
اول ما قال ليا كدة ، اغمى عليا و محستش بنفسي إلا لما بعد شوية وانا قاعدة على السرير و بيقول : متخافيش يا انجي انا عاوز اساعدك تكوني غنية وهعرفك اى حاجة تحصل فى اى مكان من غير ما تكوني موجودة فيه وهثبتلك دلوقت.
كنت بسمعه ومش مصدقه ال بيقوله ده لحد ما..ما قال على حاجة عندكم هنا فى البيت وقال الحاجة بتأذى زهرة وفؤاد جوزها وبعدها اختفى .
اكتشاف مرعب
عرفت على طول ان ده الجن ال معاها بس كنت بفكرفى كلامه وعاوز ايه من كلامه ده، لكن لقيت جوزي بيقولها ايه الحاجة دى يا انجي وفين ارجوكِ.
لقيتها دخلت اوضة بحط فيها الحاجة ال ملهاش لازمة عندي من الكراكيب بتاعت البيت وكدة ، دخلت وقعدت تدور وتبحث فى الحاجة ، كنا مستغربين هي بتعمل ايه.
وهي بدور قالت : هو فى حد بيدخل هنا يا زهرة ؟
رديت وانا مستغربة من عملها دة : لا مفيش حد غريب بيدخل هنا، وغير كدة كمان دى اوضه مقفولة اغلب الوقت .
فضلت تدور فى الحاجة لحد ما خرجت كيس اسود صغير و مربوط اوووي ، بصيت للكيس انا وجوزي وقلنا ايه دة؟!
قالت دة كيس فيه سحر محطوط ليكم .
قلت ليها ازاي مين حطه هنا ده مفيش حد بيدخل فيها الاوضه دى !! ردت وهى فرحانة اوووى معرفش ليه: انا عارفة ان مفيش حد من الناس بيدخل لكن الجن يدخل عادى ،هو قال ان فى جن حط ده.
فؤاد بص ليا اوووى وبص ليها وقال: بس هو الجن هيحط سحر لينا ليه ؟!
بصت بصة مش ناسياها لحد دلوقت وقالت: يا استاذ فؤاد الجن الشرير عاوز يسيطر عليكم وعمل ليكم سحر .
رد فؤاد هو الجن كمان بيعمل سحر زى الانسان! ردت: اه بيعمل سحر واقوى من الانس كمان ، المهم عاوزة تخلوا بالكم من نفسكم وانا هحرق السحر دة هو قال كدة.
و لقيتها اخدت السحر و خرجت بحالة غير ال دخلت بيها بيتنا ! كانت مبسوطة وسعيدة . بعدها قعدت وحطيت ايدى على راسي وفكرت ازاى دخل الكيس دة ؟.
لكن لقيت جوزي بيقول الست دى متمكنة اوووى و واضح كمان ان الجن ال معاها قوي جدا و متمكن ، كنت بسمع كلامه وبصراحة مش عارفة ارد اقوله ايه ! .
فعلا حاجة تحير ازاى دخل السحر وانا متأكدة ان مفيش حد بيدخل الاوضة دي غيري واحيانا جوزي بس قليل اوووي، سرحت فى كلامها وانا بحاول افهم.
كنت كمان مستغربة إن الجنية فاطمة اختفت و مش بتظهر او تيجي ليا على الاقل تفهمني ايه دة ! وحسيت ان جوزي وثق جدا فى انجي خصوصاً بعد ما خرجت السحر دة و بانت انها بتحبنا .
بس كنت حاسة انى مش مرتاحة ليها ليه معرفش ومتقولش غيرة منها يا استاذ ..لا انا كنت عارفة انها كبيرة اووى عن جوزي وهى نفسها مش عاوزة تتجوز،الموضوع مش غيرة ست من ست عاوزة جوزها .
تعلق وثقة
لا الموضوع انى كنت حاسة انها خبيثة مش سهلة فى حاجة هي بترسم عليها، المهم قلت لجوزى هنعمل ايه فى المصيبة دى كمان
بص ليا واستغرب وكأني بتكلم عن حاجة غريبة مش عارفها.
وقال : مصيبة ..!! مصيبة اية ؟
بحلقت فيه هو ازاى مش عارف ان دي مصيبة تانية ان يكون فى سحر فى بيتنا ،وغير كدة واضح ان فى طرف تالت من الجن دخل عاوز الكنز والكتاب وإحنا هنكون الطُعم ليهم وبيتنا مسرح الاحداث .
رديت وقلت : السحر دخل ازاي ؟ وغير كدة الجن مش هيسيبنا الا لما يخرج الكتاب الملعون من البيت الملعون ده،هنعمل ايه معاهم ؟ سكت شوية وقال عادى احنا خلينا مع انجي واضح ان الجن ال معاها بيحبنا و هيساعدنا متخافيش .
بصيت ليه وكنت متعجبة من سذاجته دى هو الجن هيساعد حد كدة من غير مصلحة وغير كدة كمان احنا مصيرنا ايه فى الحرب بينهم دي! بعدها سكت علشان معملش مشكلة بينا تاني .
مر الوقت و كانت انجي كل يوم عندنا تقريباً، وكمان لقيت جوزي بيثق فيها ثقة عمياء لانها كل مرة تقول حاجة وتطلع صح ،وكل ما اقوله عاوزين نبعد عنها علشان حياتنا تستقر بعيد عن قصص الرعب دي.
كان يزعق فيها و يتخانق معايا ويقول بلاش غيرة عمياء وخلاص ، انا بثق في كلامها وهى دى ال هتخرج الكنز ونعيش بقا ونبقى اغنياء.
لحد ما كرهت الست دي اووى دى كمان ابتدت تعالج ناس بالسحر. وتاخد منهم فلوس وعملت تجارة كبيرة فى شقتها
وكان جوزي بيجيب ليها ناس وتاخد منهم فلوس وشغلت فؤاد معاها.
وفى يوم حصلت حاجة جديدة وقلبت الدنيا معانا،
يا ترى حصل ايه ؟
تابع الحادي عشر
يجب أنت تكون مسجل الدخول لتضيف تعليقاً.