رواية زهرة والبيت الملعون كاملة
القصة دى قصة حقيقية مش مجرد رواية ،لكن مش كل احداثها حقيقية لان فيها بعض الاحداث من خيالى 👌. و طبعا هيكون فيها الحبكة الدرامية لى كا كاتب ، اسمحوا احكيها زى ما صاحبة القصة حَكتها .
الجزء الاول
كنت قاعد بكتب روايتى بالليل زى عادتى دايما، بقفل على نفسى الاوضة . ..و جنبى كباية الشاى.
كان الوقت متأخر حوالى الساعة 2 بالليل،
لقيت رسالة جت ليا 🙄.
بصراحة استغربت مين بيبعت رسالة فى الوقت دة 🤔
لكن كملت كتابة و تجاهلت الرسالة لكن لقيت صوت رسالة تانى و تالت….🙄 ، كان صوتها بيخرجنى عن تركيزى 😒. علشان كدة قلت اشوف مين !!
فتحت الرسالة لقيتها من اخت معرفهاش او حتى صديقة عندى فى حسابى الشخصى 🤔.
بس الفضول خلانى اشوف الرسالة و ليه فى الوقت دة …!،
كان محتوى الرسالة كالاتى :
السلام عليكم يا استاذ سيد ، اولا اسفة انى بعتلك فى الوقت دة 😔 لكن هو دة الوقت الوحيد الى قدرت امسك فيه فونى و احكيلك على حكايتى وقصتى . قبل ما ياخدوا بالهم منى .
انا: مين الى ياخد باله منك ؟!
المتصلة: مش هقدر اقول …. لكن حضرتك هتفهم من الكلام الى هتسمعه منى وقصتى … هما مين 😰.
بس ليا شرط متسالش عن شخصيتى او مكانى او تقاطعنى وانا بحكى.
وبعد ما احكى كل شيء هحذف حسابى نهائى ، وعاوز تصدق قصتى هكون ممنونة لو مش عاوز تصدقها هيكون ليك عذرك لان ال حصل معايا شيء لا يصدق ابداً😔.
اسمى( زهرة ) عندى 30 سنة ماما ماتت وانا صغيرة وبابا اتجوز ست مفترية اوووى كانت بتكرهنى اووى 😔،
المهم كبرت و اول ما كملت 16سنة ابتدوا العرسان يخبطوا على بابنا للجواز منى ، لانى كنت بنت جميلة الحمد الله 😚، بابا كان بيرفض علشان لسه صغيرة ، لكن مرات ابويا كانت دايما تزن عليه علشان تخلص منى
وفعلا اتقدم شاب كان كويس جدا ومعرفة جيران لينا وبابا وافق عليه ، ومرات ابويا اكتر واحدة شجعت بابا انه يوافق…. علشان عرفت ان العريس هيسكن فى محافظة تانية بعيدة شوية عن البلد بتاعتنا 😒.
وبالفعل اتخطبت ليه و بعد فترة صغيرة اتجوزنا .
بصراحة كان شاب محترم وابن ناس و حبنى وخلانى احبه اوووى ❤️.
اخدنى و سافرنا لى بيتنا فى المحافظة التانية ، كان بيت قديم اوووى وارثه من ابوه …..وكان هو يتيم الاب والام و ملوش اخوات ،
اه نسيت اقولك على اسمه ،
اسمه ( فؤاد ) كان اكبر منى ب 6 سنين . اول ما دخلت البيت قلبى اتقبض معرفش ليه ….!
لكن قلت اكيد علشان لسة عروسة وحياة جديدة وبيت غريب عليا.
مر شهر تقريبا كانت حياتى عادية جدا . اه مش هنكر كنت بشوف احلام غريبة ومزعجة احيانا . زى حد بيسحبنى لتحت الارض . او حد … بيدينى حاجة فى ايدى ايه هى مش فاكرة …
لكن كنت بقول دى هلاوس احلام وبيحصل مع اى حد .
وبعد مرور سنة تقريبا على جوازنا انا و فؤاد ابتديت اسمع صوت حد بينادى عليا…… زهرة ……زهرررة😳.
كنت بكذب نفسي واقول انا ممكن من التعب او علشان فؤاد طول اليوم فى الشغل وانا قاعدة لوحدى فى البيت ….
لكن بعد كدة بقيت اسمع الصوت وجوزى جنبي😱😲.
كنت اقوله : سامع يا فؤاد حد بينادى عليا ؟!
فؤاد : مفيش حد بينادى عليكى انتى موهومه…
كنت بحاول اصدقه … لكن …..لكن كنت بسمع الصوت واضح اوووى. وكتير ……كتير كنت بقوله انا سامعة حد بيقول زهرة.
كان يضحك …. واحيانا يزعق فيا ويقول لي بطلى تخريف بقا.
كنت بسكت واكتم جوايا ….علشان ميحصلش مشكلة بينى وبينه.
مرت الايام وحصل حمل وبعدها ربنا كرمنى بولد سميته (عمرو) و قلت الحمد الله ابنى يسلينى فى البيت 😍.
وفى يوم حلمت ان فى حد بياخد عمرو منى بالقوة 😭 كانت اشكالهم قبيحة جدا ومرعبة…😈😈.
كنت بشد فى ابنى وهما بيشدوا فية لحد…..😭 …..لحد ما انفصل جسمه نصين 😭😱.
قمت من النوم وانا بصرخ …..
بصرخ واقول لا ابنى ….ابنى …😭.
صحانى فؤاد : زهرة…. زهرة اصحى فى ايه 😲!
صحيت والدموع فى عنيا وجسمى مليان عرق برغم البرد الشديد اوووى . قمت حضنت ابنى اوووووى وبكيت 😭😭.
جابلى جوزى كباية مية وشربت وبعد ما هديت شوية 😩.
بصيت لجوزى وقلتله : انا مستحيل اقعد فى البيت دة تانى😥
انا تعبت اوووى . كله الا ابنى يا فؤاد ….😌.
فؤاد: طيب ممكن تهدى شوية ……واحكيلى حصل ايه…!
حكيت ليه كل شيء وفكرته بالكوابيس المرعبة ال كنت بشوفها قبل كدة .
وكل حاجة بتحصل ليا من ساعة ما دخلت البيت دة .
بعد ما سمعنى سكت وقالى : انا هتصرف خلاص اهدى …
بصيت وقلت ليه : هتتصرف هتعمل ايه يعنى …..عرفنى !
فؤاد: هشوف شيخ او حد بيفهم اجيبه يشوفك ويشوف قصة البيت دة !
سكت ومرضتش اضغط عليه لانى عارفة ظروفه وشغله.
تانى يوم كنت منيمة ابنى فى الاوضة على السرير ودخلت المطبخ اجهز غدا
كنت بقطع طماطم علشان اضربها واعملها فى الخلاط.
وانا …..بقطع سمعت صوت عمرو ابنى بيبكى بصوت عالى .
كملت تقطيع الطماطم وجبت الخلاط ….لكن كان صوت ابنى بيبكى اووى و بسرعة مقدرتش اصبر سيبت الخلاط ورحت دخلت الاوضة علشان اشوفه …… لكن ……لكن لقيته ساكت ونايم 😲.
انا بصيت فيه كويس 😳 لكن فعلا ناااايم …… قعدت جنبه يمكن بكى وسكت … لكن كان باين اوووى انه نايم نوم عميق وهادى اووووى…….😰.
خفت اوووى وحضنت ابنى اوووى ….. وفجأة سمعت صوت الخلاط اشتغل 😱😲.
ايييييه دة انا مشغلتش حاجة ……. ايه دة 😰!
اخدت ابنى و مشيت ناحية المطبخ وانا خايفة ومرعوبه …😰.
اشوف ايه صوت الخلاط دة …. كنت ببص من برة بخوف …. وحاسة ان فى حد هيخرج عليا من المطبخ يمسك فيا ….😰.
ولما دخلت برأسى فى المطبخ وابنى فى حضنى ..شفت حاجة غريبة اوووووى …😱😲.
ترى ماذا حدث ؟
تابع
يجب أنت تكون مسجل الدخول لتضيف تعليقاً.