رواية جسد بلا روح (الجزء الثالث العشرون)

*واخيــرا كان فرح ملك ع على وكانت مبسوطة اووى وحست ان كل احزانها هنتنهى خالص ,وبعد ما تخلص تفضل تتصل عليه مايردش وتتصل به تانى موبايله يتقفل تقلق عليه اوى*
رحمة:ايه يابنتى ف ايه؟
ملك:بقولك موبايله اتقفل فجأه
رحمة:زمانه جى متقلقيش
ملك:مش مطمنة مش عارفة ليه؟

رحمة:لا اطمنى ان شاء الله خير *وشوية وسمعوا صوت كلاكسات العربية*
ملك ورحمة*خرجوا لقيته عامل ع العربية قلب كبيـــر ومكتوب عليه بحبك ياملك وصورتها وصورته,وقرب ناحيتها*:انت كنت فين كل ده
مجدى*خرج م العربية*:معلش انا الــ اخرته هو كان مصمم اجى معاه بس انا كنت عايزه هو الييجى لوحده عشان انتى عروسته بس عايزنى اوصلك لى بنفسى عشان بيعتبرك امانة هيحافظ عليها طول عمره
على*بصلها وابتسم*:وكمان حبيت اجيب حبيبك معايا

ملك*ابتسمت*:بحبك اوى
رحمة:طب مش يلا بقى عشان اتأخرنا ع الفرح *وركبوا العربية واول ما وصلوا القاعة دخل على الاول وملك مسكت ف دراع باباها ووصلها لى*
مجدى:خلى بالك منها
على:متقلقش دى هتبقى حته منى زى ما هى حته منك
مجدى*ابتسم وحضنه*:الف مبروك
على*قرب ناحيتها*:مبــروك ياقلبى

ملك*بفرحة*:الله يبارك فيك حبيبى
على*خدها ف حضنه وفضل يلف بيها*
ملك*حست انها طايرة ف السما ومبسوطة اووى وافتكرت نفس احساسها لما كان باباها بيشيلها وبيلعبها واسعد لحظات طفولتها ,وم اليوم ده قالت هتنسى كل حاجة فاتت وهتعيش لحظات حياتها السعيدة مع على ,وطبعا كل الحواليهم يكونوا مبسوطيين ليهم معادا صفاء نظرتها كانت مريبة اوى ليهم وكلها حقد وغل ,بس ملك ما كنتش مركزة غير مع حبيبها والناس العايزلها الخير وبس واللحظة ال كانت مستنياه طول عمرها وبعد ساعات روحوا البيت*
على:اتفضلى يا احلى عروسة ف الدنيا

ملك*ابتسمت*:انا مبسووطة اووى بجد حاسة انى بحلم حلم جميل مش عايزة اقوم منه ابدا
على:ومين قالك انك هتقومى منه ابـــدا
ملك*سكتت شوية*:خايفة لان فرحتى ديما ما بتكملش ومكتوبلى افضل عايشة حزينة طول عمرى
على*قرب ناحيتها بحنية*:تؤتؤ ما سمعش كلمة خايفة منك دى ولا الكلام ده انتى م النهاردة مكتوبلك السعادة والفرح والدلع انتى سمعانى ياهانم وكمان انا جمبك متخافيش وانا مش هسيبك ابدا هفضل جمبك طول العمر
ملك:بجــــــــــــــــــــــــــــد
على:بجد يا حبيبتى *ولسه هيحضنها*

ملك*بصتله جامد وبعدته عنها*
على*بستغراب*:ف ايه ياملك؟
ملك*بعدت عنه شوية*:ع فكرة انت طلعت مش قد وعدك وكمان لزما تصوم 3 ايام
على*بعدم فهم*:ايه البتقوليه ده وليه!
ملك*ابتسمت*:فاكر يوم ما حضنتنى ع الشط وعدتنى وحلفت انك مش هتكررها تانى وشكلك عايز تكررها كتير
على*ابتسم*:انا قولت كدا عشان انتى ماكنتيش مراتى ,لكن دلوقتى *مسك ايديها وباسها*:هكررها مرة واتنين وتلاتة *وخدها ف حضنه وفضل يلف بيها جامد*

ملك*فضلت تضحك وكانت حاسة بسعادة غير عادية ولقت نفسها ناسية كل الم وكل حزن شافته وعاشته ,وتــــــــــانى يوم تصحى تبص تلاقيه جمبها تمسك طرف شعرها وتفضل تقربه م ودانه وتشوفوا ملامحه وهو مضايق وشوية ويفتح عيونه*
على*ابتسم*:كنت عارف انى متجوز طفلة؟
ملك:مضايق م كدا ولا ايه
على:لا طبعا دى احلى طفلة ف الدنيا
ملك*بأبتسامة*:صباح الخير ياحبيبى ,مش هتقوم عشان نفطر

على:بصراحة انا جعان اووى
ملك:حاضر هقوم اعملك الفطار حالا *ولسه هتقوم على يشدها لحضنه*
على:جعان بيكى انتى ومش عايز اشبع ابدا
ملك*ابتسمت*:ع فكرة انت غريب
على:بــــــــــــرده

ملك:غريب لانك قدرت تخلينى احبك حب مالوش وصف وانك تعيشنى احساس مش هعرف احسه غير معاك انت وبس وانك هتخلينى اديب منك عيال شبهك كدا افضل اللعب معاهم وانسى معاهم كل حاجة حصلتلى وافرح بوجودك جمبى وانك محوطنى بالاحساس الجميل ده ومعيشنى ف الامان ده
على:ده انا ع كدا واد جـــــــامد بقى

ملك*ضحكت اوى*:طب يلا يا جامد قوم عشان ورانا حاجات كتير مش عايزين نكسل احنا لسه ف بداية شهر العسل وانت واخد اجازة اسبوع بس
على:كان نفسى اخدك ونسافر برة بس مش عارف ليه اصريتى نفضل هنا
ملك*بصتله وقالت بحنيه*:عشان ده اول مكان شوفنا بعض فيه كنت عايزة افضل ف المكان ده ونسيب فيه ذكريات لينا كتير اووى وياسيدى السنين جاية كتير اكيد مسيرنا نسافر ف اماكن تانية
على:عموما انا نفذت كلامك بس المرة دى لكن المرة الجاية
ملك*رفعت حاجبها*:المرة الجاية ايه بقى

على:اكيد هنفذه يعنى عشان مضربش
ملك*ضحكت اوى وباسته م راسه*:لا محدش يضرب قلبه ,وانت قلبى ال م غيره مش هقدر اعيش اصلا
على:انــا بحبـــــــك اصلا
ملك:وانا بمـــــــوت فيك اصلا ,قوم بقى يلا بطـــل كسل عايزين نخرج ونتفسح
على:ع اساس ان الاماكن جديدة عننا
ملك*ابتسمت وقامت م جمبه*:معايا انا هتبقى كل الاماكن جديدة وكأنك اول مرة تشوفها
على:ف مكان جديد لسه ماشوفتهوش

ملك*بصتله بستغراب*:مكان ايه ده
على*بيمسك ايديها ويشدها لى*:حضـــــــــــنى
ملك*فضلت تضحك وقعدوا يهزروا مع بعض وفعلا قامت وحضرت الفطار وكانوا كل يوم يروحوا يقعدوا ع البحر ويتمشوا وف يوم يكونوا قاعديين ع الشط *
على:عارفة نفسى اعمل ايه دلوقتى
ملك:ايه!

على:نفسى اشوف مامتك واكلمها
ملك*بحزن*:انا كمان كان نفسى انها تشوفك وتكلمك كانت هتفرح اوى لما تشوفنى فرحانة معاك كدا
على:طب ما احنا فيها هكلمها *وبص لسما*:انا على طبعا اكيد عرفانى ,انا حبيت بنتك اوى وعايز اقولك انى هشيلها جوه قلبى وعنيا
ملك*كانت بصالوا بستغراب*

على:اى نعم جننتنى معاه عقبال ما فهمت انى بحبها بجد وانى مش عايز منها حاجة تانية غير انها تكون معايا لكن عايز اطمنك عليها واقولك متقلقيش ملك ف قلبى وجوه عنيا وعمرى ما هجرحها او هأذيها ف يوم يا حماتى
ملك:انت بتعمل ايه!

على:حبيبت اكلم ماماتك مش انتى قولتيلى قبل كدا انك بتبصى لسما وبتكلميها
ملك*ابتسمت*:اة كنت شايفة ديما انها عند ربنا ,وان ربنا خد روحها لكن احساسها حواليا وانها ديما حاسة بيا وشيفانى ,مش عارفة ليه ديما كنت بحس الاحساس ده
على:وانا عشان كدا بكلمها عشان عارف انها حاسة بيكى ,ايه انتى مش هتكلميها ولا ايه
ملك*ابتسمت وبصت لسما*:ماما انــا بحبه اوى وهو بيحبنى جدا البنى ادم الوحيد البحس معاه بالامان والحنان م بعد ما روحتى عند ربنا,عايزة اقولك انى سمعت كلامك لما قولتيلى اختارى صح *والدموع ف عنيها*:انا اختارت صــــــــــح ياماما ,صدقينى اختيـــــارى ده صح

على*مسح دموعها*:ايه مش اتفقنا انى ماشوفش دموعك دى تانى غير ف الفرح وبس
ملك:والله دى دمووع الفرح انا معاك عيونى مدمعتش غير عشان فرحانة صدقنى
على*ابتسم*:مصدقك ياحبيبتى وانا مبسوط جدا ياقلبى انك معايا ودموعك دى غالية عندى اوى مش هخليكى تدمعى غير ف لحظات الفرح *وقام وقف وبعد عنها شوية*:بــــــحبـــــــــــــــــك يامــــــــلك
ملك*قامت وقفت*:وانا بحـــــــــــــــــــبك اووووووووى *وجريت عليه وحضنته وبعد شوية روحوا البيت ,وف الوقت ده تكون منى قاعدة مع رحمة*

منى:مش ناوية تفرحينى بيكى!
رحمة:ياختااى انا ارتاحت م ملك ونهى دلوقتى انتى ياماما عموما انا فرحانة بنفسى جدا هاتى طبلة ونقعد نصقف
منى:ايه يابت الكلام ده وكمان انتى دلوقتى ال فضيتى ,البيت مش فيه غيرك
رحمة*بتغمزلها*:ايوه بقى عايزة توزعينى عشان يخلالك الجو مع روفة
منى*ضحكت*:لسانك ده هقطعهوالك قريب
رحمة:كنتى عملتيها م زمان!

منى:هعملها ياختى! بس يارحمة انا نفسى افرح بيكى بجد يابنتى اكيد مش هتفضلى قاعدة كدا
رحمة:ومالوا ياماما ,ياماما ياحبيبتى الجواز مش كل حاجة
منى:ايه الكلام ده ان شاء الله يابنت بطنى
رحمة:يعنى جه جه مجاش خلاص الدنيا مش هتقف عليه
منى:لا طبعا هتقف دى سُنة الحياه
رحمة:اديكى قولتيها سُنة ,مش فرض ولزما يحصل ,فحصل حصل محصلش احنا مش خسرانين حاجة انا قاعدة وعايشة حياتى ومبسوطة مش انتى مبسوطة

منى:يالهوووى هتجننى امى
رحمة:لا تيتا كانت حبيبتى مقدرش اجننها
رؤوف*ييجى م برة*:ف ايه مالكوا
منى:شوف كلام بنتك ال هيجننى قال ايه مش عايزة تتجوز
رؤوف:خليها دى حبيبة بابا البقيالنا
رحمة:احبيبى ابابا ,شوفتى روفة عايزنى ازاى مش زيك عايز يوزعنى
رؤوف*ابتسم*:اكيد عايزك تتجوزى وتتهنى ف بيتك بس يوم ما هييجى نصيبك هوزعك ع طول
رحمة*بصتله*:انا غلطانة انى قاعدة هنا ,انا ادخل اوضتى اسمع مزيكتى واعيش بطريقتى ما هو اصل الناس مايستهلوشى ما يستهلوشى *وفضلت ترقص لحد ما دخلت الاوضة*

منى:بنتك اتجننت وهتجننى!
رؤوف*ضحك*:متقلقيش يوم ما هييجى نصيبها هتجوز وهنفرح بيها ماتشليش هم وكمان يعنى انتى كنتى مصدقة ان محمد يتجوز ويبقى ف بيته دلوقتى
منى:بصراحة لا قولت هيقعد ع قلبنا شوية
رؤوف:طيب شوفتى بقى قومى حضريلنا الاكل عشان جعان
*وقامت منى وكانت بتدعى لبنتها ربنا يوفقها ويرزقها بأبن الحلال ,وف الوقت ده*
نهى:مش قادرة اعمل اكل يامحمد والله
محمد:مفيش مشكلة

نهى:ابنك ولا بنتك ال ف بطنى هيجننونى
محمد*ابتسم ولمس بطنها*:فداهم اى حاجة
نهى:بقى كدا يعنى م غير كدا كنت هتخلينى اقوم اعمل اكل
محمد:مش انتى قادرة تعملى اكل هتتلككى ليه بقى
نهى:ع فكرة انا يعتبر عروسة ده حيالله كام شهر بس ,صحيح بمناسبة العروسة مش هنروح نشوف ملك وعلى
محمد:ليه هه ليــه ياحبيبتى نكتم ع الناس نفسهم هو حد جالنا لما تجوزنا

نهى:لا بس عشان سافرنا
محمد:خلاص نعتبرهم مسافريين سبيهم بقى احنا مصدقنا انهم ف بيت واحد انا اصلا لحد دلوقتى مش مصدق ان ملك وعلى اتجوزوا ده انا كنت بحس ساعات انها نفسها تولع فيه
نهى*ضحكت اوى*:بصراحة اة ما كنتش طيقاه مش عارفة ليه بس قولت يمكن على عملها حاجة وهزر معاها برخامة ما انت عارف على سااعات هزاره بيبقى جامد شوية
محمد:يلا ربنا يسعدهم ويوفقهم يــــارب

نهى:يــــــــــــارب ,بس برده مش هنروحلهم
محمد:ياستى هنروح ان شاء الله لما على يرجع الشغل هو واخد اجازة اسبوع ,لما يبدأ ينزل شغله هنروح ماشى
نهى:مــــــاشى اما نشوف
*وف الوقت ده على وملك واقفيين ف المطبخ*
على:ها دوقى كدا ,عمايل اديا وحياه عنيا
ملك*داقت الاكل*:اعع ,انت متأكد انك بتعرف تطبخ

على:لا مش اوى يعنى انتى عارفة ان نهى اكترية الوقت هى البتعمل الاكل وكانت برده طنط منى مش بتسيبنا وع طول بناكل عندهم
ملك:طب وليه ياحبيبى تودينا المستشفى ده احنا لسه مبقالناش كام يوم متجوزيين *وبعدته عنها*:حاسب ياعلى انا هعمل الاكل وانت تقعد تاكل وبس ,تاكل وايـــــــــــــــه
على:وبـــــــس
ملك*ابتسمت*:شاطر
على:يعنى مش محتاجة مساعدة

ملك:بعد الشوفته ده اكيد لا *وبصتله وابتسمت*:حبيبى
على:ايه عايزانى اعمل حاجة ده انا شاطر واعجبك اوى
ملك*ابتسمت*:لا بس عايزة اطلب منك طلب
على:اطلبى ياحبيبتى اى حاجة انتى عيزاها
ملك:ايه رأيك لما نعزم رحمة ومحمد ونهى ع الغداء
على:مــوافق طبعا وانا الــ اعمل الاكل بنفسى

ملك*ضحكت*:على بجد بقى ,انت كدا كدا بعد بكرة هترجع شغلك وانا هفضل طول اليوم قاعدة لوحدى فهجيب نهى ورحمة يقعدوا معايا واول ما تخلص شغل انت ومحمد تيجوا ع هنا
على*مسك ايديها وباسها*:تحت امرك ياقلبى ,ال انتى عيزاه انا موافق عليه
ملك:ربنا يخليك ليا
على:ويخليكى ليا ,اساعدك بقى
ملك*ابتسمت*:ماشى

*وتعـــدى ايـــــــــــام وف يوم ملك تروح عند خالها عشان تعزم رحمة*
منى*اول ما تفتح وتشوفها*:حبيبتى ياملك تعالى
ملك:ازيك ياطنط
منى:الحمد لله ياحبيبتى
هاجر*كانت قاعدة*:ازيك ياعروسة
ملك*ابتسمت*:الحمد لله
نسمة:ملك هو انا كدا خلاص مش هينفع اتجوز على
ملك*حضنتها وباستها*:لا ياقلبى هبقى اسلفهولك شوية

نسمة:هيييييييييييييييييييه
ملك*ابتسمت*:هى رحمة وخالو فين
منى:خالك ف الشغل ورحمة نزلت تجيب حاجة
ملك:هو انتوا نازلين انا عطلتكوا ولا حاجة
هاجر:بصراحة كنا نازليين نشترى شوية حاجات بس خلاص عادى نقعد
ملك:لا خلاص انزلوا وانا هقعد مع نسمة
منى:ماشى مش هنتأخر
ملك*ابتسمت وقاعدت مع نسمة*:ها ياحبيبتى عاملة ايه!

نسمة:كويسة
ملك:اقعدى بقى واحكيلى كل حاجة عايزة اعرف كل حاجة يانسمة
نسمة:حاضر هقولك
*ملك فضلت تتكلم معاها عشان تطمن ع اخبارها وان مفيش حد بيضرها وبعد اطمئنان تقوم تعمل حاجات ف المطبخ وشوية والجرس رن*
نسمة*فتحت الباب*:على وحشتنى
على:وانتى كمان ,هى ملك جوه
نسمة:اة

على:طيب هدخلها
نسمة*وقفت ع الباب*:لا مش هينفع تدخل عشان احنا لوحدينا
على*بصلها وابتسم*:طب اندهالى
ملك*جت*:حبيبى انت جيت امتى
على:م بدرى بس نسمة هانم مش عايزة تدخلنى عشان انتوا لوحدكوا فكرانى الغول الهياكلكوا
نسمة:مش انتى قولتيلى كدا ياملك
ملك*ابتسمت*:صح ياحبيبتى طول ما احنا لوحدنا ما ينفعش حد غريب يدخل
على:ياسلام ع كدا اروح انا بقى

نسمة:لا استنى تحت واحنا ننزل نقعد معاك
ملك:بصى يانسمة انتى صح طبعا بس على بقى جوزى يعنى عادى انه يدخل
نسمة:بس هو جوزك انتى مش جوزى انا
على:عجبك ياهانم عجبك!
ملك*ضحكت اوى*:بصراحة انا العلمتها كدا ,بس ده كويس ع فكرة
على*بتنهيدة*:انا مقولتش انه وحش *ولسه بيتكلموا جم منه وهاجر ورحمة*
رحمة:ايه المذنبك كدا
على:الاستاذة نسمة

هاجر*مسكتها م ايديها*:عيب كدا ,يلا عشان نطلع
منى:ما تخليكوا
هاجر:ما انتى عارفة ابوها جى م السفر فعايزة اظبط حاجات
على:حمد الله بسلامته
هاجر:الله يسلمك
*وطلعت هاجر ونسمة ودخل على*
ملك:متتأخريش بقى

رحمة:متقلقيش ,بس قولتى لنهى
ملك:طبــــــعا دى نهى اول واحدة هتيجى ,حبيبى مش انت قولت لمحمد
على:اة اكدت عليه وقالى جى *وبص ف الساعة*:مش هنروح بقى
منى:طب ما تستنى رؤوف
على:عشان الوقت ميتأخرش
رحمة*بتغمزلهم*:سيبهم ياماما عرايس برده ,ماشى مش هقطع عليكوا

ملك*بصتلها وابتسمت*:لسانك ده هيوديكى ف داهية يلا هشوفك بعدين *وسلمت عليهم ونزلت هى وعلى واول ما وصلت وفتحت باب الشقة لقت ورد ع الارض *بصت لعلى*:ايه ده
على:امشى ع الورد وانتى تعرفى
ملك*فضلت مبسوطة ودخلت لحد اوضة النوم لقت ورد مفروش كتير ع السرير وفيه بوكس فتحته*لقت صورها هى وعلى يوم ماكانوا تحت المطر وفيه ورقة مكتوبة ,طول ما انا عايش هتكونى ملكة قلبى*
ملك*بصتله وابتسمت*:بجد مش عارفة اقولك ايه اى كلمة مش هتقدر توصف اى حاجة م ناحيتى ليك
على: قولى بحبك وبس

ملك*حضنته جامد وقالتله بحنية*:بحبـــــــــــــــــــــــــــــــــــــك
*وتكون حياتها معاه كلها حب وسعاده وييجى اليوم التكون فيه عازمة نهى ورحمة*
ملك:وحشتونى يابنات اووى
رحمة:يعنى انتى الـ كنتى بتسألى عننا

ملك:يعنى بزمتك انا عروسة ازاى هتصل واسألكوا ,وكمان انتوا حتى متصلتوش بيا كأنكوا مصدقتوا تخلصوا منى
نهى:لا والله ياملك عايزة اقولك ان كل يوم كان محمد بياخد منى الموبايل باعافية لما يلاقينى هتصل بيكى ويقولى سبيهم براحتهم ,ماتبوطيش الفرحة ,بزمتك انا كنت هبوظلك الفرحة
ملك*ابتسمت*:ابدا والله ,انتوا اصلا كنتوا وحشنى اوى ,وبقلوظ ال ف بطنك ده برده مش هنشوفوا بقى
نهى*ضحكت*:لسه بدرى ,بس الدكتور مطمنى وقايلى ان كل حاجة ثابتة الحمد لله
ملك:الحمد لله ياحبيبتى

رحمة*بصلهم*:يع انا حساكوا بقيتوا كلامكوا زى المدامات كدا ليه
ملك*بصتلها*:ياسلام ازاى يعنى
رحمة:اة كل كلامكوا بقى ع اجوزتكوا وعيالكوا ,لا تعالوا نرجع زى زمان احسن سناجيل
نهى:طب ما تحصلينا انتى وتتجوزى عشان كلنا نتكلم نفس الكلام
رحمة:انا اعمل هذه الجريمة كلا وحاشا ولاشا ,مش انا ياحبيبتى ال اعمل كدا اطلاقا
ملك:يابنتى بطلى بقى عقد ,صدقينى الجواز حلو خصوصا لو بتحبيه

رحمة:اديكى قولتى لو بتحبيه ,بس انا لسه مطستش ف نظرى وحبيبت
نهى:سيبك منها البت دى هتفضل تتكلم وخلاص ,ها هتعمليلنا اكل ايه!
ملك:ف اكل كتير ال انتوا عايزينوا اختاره
رحمة:انا هجرى اشوف ايه ال ف تلاجة
ملك*بتجرى وراها*:استنى هنا يا بت

نهى*وهى بتقوم م ع الكنبة*:استنونى مش هعرف اجرى ,انتى يابت انتى وهى
*وفضلوا طول اليوم مع بعض وبيهزروا وبعــــــــد ساعات كان على ومحمد جايين ف العربية وكان ماشى بسرعة اووى*
محمد:بـــــراحة ياعلى طاير كدا ليه!
على:وحشتنى ياعم عايز اشوفها
محمد*ابتسم*:ده ف الاول بس بعد كدا هتاخد مناعة

على:ما عتقدش يا ابنى ,ملك دى بحسها غير اى واحدة تانية او يمكن انا مش عايز اشوفها زى اى واحدة فصعب ان احساسى ده يتغير
محمد:طب لاحظ انها بنت عمتى ال بتكلم عليها دى
على*ابتسم*:ولا حظ انها مراتى واتكلم براحتى
*ووصلوا البيت وطلعوا واول ما ملك شافته جريت عليه*
ملك:وحشتنى اوى
على:وانتى كمان
رحمة:احم احم راعوا ان فيه سنجولة هنا

نهى:احضنى يلا يامحمد نعمل زيهم
محمد:وانتى بقيتى مبقلظة كدا احضنك ازاى
نهى:متعقدنيش انا لسه ف الاول *وبصت لاخوها*:بزمتك تخنت
على:شوية
نهى:حتى انت
ملك*ابتسمت*:مش مهم انك بقيتى مليانة اهم حاجة انك هتجيبى بيبى زى القمر وهيملاه فرحتكوا
على*بصلها*:عقبالنا
ملك*بأبتسامة*:ان شاء الله ياحبيبى

رحمة:انا هروح اكل احسن
*وقاعدوا ياكلوا ويهزروا سوى وبعد الاكل شغله اغنية هادية وفضلوا يرقصوا سوى وطبعا رحمة قامت خدت الخدادية ع الكنبة ورقصت معاها فضلوا يضحكوا وشوية وخدها محمد ورقص معاها وعلى خد نهى وملك فضلت باصه ومبسوطة اوى بالعيلة الحلوه ال ربنا رزقها بيهم ,وكانت نفسها لو باباها كمان يكون موجود عشان فرحتها تكتمل وف الوقت ده*
حامد:خد شيل السلاح ده معاك
مجدى*بصدمة*:انت اتجننت ياحامد ايه ده

حامد:متخافش المسدس ده مترخص
مجدى:انت شايله معاك ليه اصلا
حامد:عشان الدنيا دلوقتى مش فيها امان يامجدى وممكن حد يطلع عليك يثبتك ف اى وقت واى مكان الامر مايسلمش انت كمان مفروض تعمل كدا
مجدى:لا ياعم مش عايز اشيل البتاع ده انا

حامد:لا لزما عشان تأمن نفسك انا عارف انك اكيد بالنسبة ليك صعب بس ضرورى تعمل ده ,عموما خليه معاك عشان الخزنة ال ف البيت مش عايزة تفتح وخايف حد م عيالى يستخدمه انت عارف انهم مجانين ,فخليه معاك فترة بسيطة وهاخده تانى وحطه ف خزنتك ياعم مؤقتا
مجدى:ما بلاش ياحامد ,واصلا انت واثق انه مترخص
حامد*طلع ورقه*:اهوه ,وكمان هو انا هضرك يعنى يامجدى بعد العمر ده كله ,امسك ياراجل
مجدى:طب خليه بكرة كدا كدا احنا ماشيين بكرة

حامد:لا ما فيش بيات الشغل خلاص هيخلص النهاردة يعنى كلنا هنروح امسك بقى قبل ما حد ياخد باله ويتكلم
مجدى*بتنهيدة وخده منه*وبعد شوية يخلص شغله ويكون ف الطريق ويلاقى موبايله بيرن وتكون ملك واول ما يرد تفتح الاسبيكر*
ملك:وحشــــــــــتنى اوى يابابا
مجدى:وانتى كمان ياقلب ابوكى وحشتينى
ملك:بابا انا عايزة اعزمك ع الغداء عندنا
مجدى:مش عارف هينفع ولا لا

على:لا ياعمو ارجوك ده احنا لسه بنقول ياهادى وقولتلها كل طلباتك هنفذهالك وهى قالتلى انها عيزاك موجود معانا
مجدى*ابتسم*:ازيك ياعلى
على:انا الحمد لله ,هنحضر الاكل ياعمو وانت هتيجى وهعملوا بنفسى ملك بتشكر ف اكلى اوى
ملك*ضحكت اوى*:عارف يابابا اكله بيفكرنى بأكلك بالظبط بتاع زمان
مجدى*ضحك*:طيب كويس انه عجبك عشان اكلى حلو
على:حبيبى ياعمو ,احلى حاجة انك و اقف ف صفى
ملك:بقى كدا انتوا الاتنين اتفقتوا يعنى

مجدى:هو انا اقدر برده ,عموما ياحبيبتى حاضر هجيلك وهنتغدى سوى
ملك:بحبك اوى يابابا ,خلى بالك ع نفسك
مجدى:وانتى كمان خلى بالك عليها ياعلى شيلها ف عينك
على*ابتسم*:م عنيا الاتنين ياعمو *وقفلوا معاه*:ها ياستى مبسوطة النهاردة اصحابك وبعد كدا باباكى
ملك:مبسوطة اووى بجد مش عايزة الايام دى تخلص م عمرى ابدا
على:مش هتخلص ابدا ياحبيبتى

*وخدها ف حضنه ,,وف الوقت ده يكون مجدى مبسوط ويوصل ويفتح باب الشقة ولسه هينده يسمع صوت ف اوضته*
سليم:انتى متأكدا انه مش جى
صفاء:لا طبعا النهاردة مابيجيش وكمان اتصلت به م شوية وقالى لا مش هيينفع ييجى كل حاجة مترتبة صح ,اطمن
سليم:احلى حاجة ان كل حاجة بقت مترتبة بنته مشيت واخوكى مبقاش موجود والبيت فضى علينا براحتنا بقى ياحلو
صفاء:انا مش عارفة راح فين كأنه اختفى ,كله م ملك دى
سليم:وملك دى هى السبب ف ايه!

صفاء:طول عمرها بتعاملوا بتناكه عشان يعنى احنا كنا ع قد حالنا وهى م بيت وعيلة ,انت مش متصور انا بحسدها قد ايه ,بنت صغيرة عايشة ف بيت زى ده ابوها بيبحها وبيحاول يعملها كل الهى عايزاه وفوق كدا طالع عينه ف شغله عشان يسيبلها فلوس قد كدا ف البنك ,وكمان ف النهاية تتجوز البتحبه وعايشيين مبسوطين وزمانها ف قمة سعادتها دلوقتى
سليم:لدرجة دى كرهها

صفاء*بنظرة شـر*:كرهها جدا كل ما اشوف حياتها دى ,وعكس حياتى خالص طفحت الكوتة عشان ابويا وامى وماكنش عاجب كنت بضرب وبتهان وكمان جابولى اخ صغير عشان اصرف عليه هو انا كنت قادرة اصرف ع نفسى ,وكمان انا وانت ,ضحينا ومعرفتش اتجوزك ,وروحت انت اتجوزت سما المعاها فلوس ومقضياها نوادى وفسح وانا اتجوزت راجل ضعف سنى عشان ابقى هنا ,عايزنى بعد كل ده ماكرههاش ازاى ,بس مش هسيبها ف حالها ,وحياتك عندى ما هسيبهم ف حالهم ومش هخليها تتهنى بحياتها معاه
سليم:ايه الكلام الكتير ده هطيرلنا ال احنا شربناه

صفاء*ضحكت بدلع*:لا ياحبيبى ,انا هقوم اعملك كاسيين يظبطوك
سليم:ايوه بقى ياصفصف
صفاء*لسه هتخرج م باب الاوضة تلاقى مجدى واقف ع الباب وباصصلها جامد*
صفاء*بتبلع ريقها بصعوبة*:مـــا مـــــا مــــا جــــــــــــدى
مجدى* بدون كلام بصلها بأرف وطلع السلاح ال فجيبه وضربها رصاصة ,سليم لسه هيهرب ضربه هو كمان ,ولقه نفسه بيبص ع الجوستين القصاده والدموع نازلة م عينه ,وف الوقت ده ملك*تكون نايمة بين احضان على وشوية ويدخل عليهم راجلين ويبعدوها عنه*

ملك وعلى *يقوموا مصدومين*:ف ايه انتوا مين! وعايزين مننا ايه! الحق ياعلى
على*بيحاوط ملك بأيده واحد منهم بعد ايده عنها وضرب ملك ع راسها فاقده الوعى تماما وبعـــــــد ســـاعت تفوق وتمسك راسها وتحس بصداع قامت بتعب وتبص حواليها بخوف بس تلاقى مافيش حاجة وعلى نايم جمبها وتفهم ان ده كان كابوس ,وتقرب ناحيته وتبوس راسه وتلاقيه متلج اوى*:حبيبى انت بردان ولا ايه!*وتحركه عشان يصحى*:عــــــــــلى ,علـــــــــــــلى *وتبص ع الملاية تلاقى دم والطقم الابيض الكانت لبساه عليه اثار دم تتصدم وتبعد الغطاه تشوف حاجة ايه هى هنعرف الحلقة الجايـــــة و الاخيرة  

https://www.barabic.com/real-stories/13267