رواية جسد بلا روح (الجزء الثالث)
*والوقت الـ مهند مستنى فيه ملك وهيبدأ يعرف حالتها والسبب الخلاها توصل لكدا يرن موبايله وتكون مامته يرد عليها*
مهند:الو ياماما
سلوى:ايوه ياحبيبى انا كنت بطمن عليك ونسيت اقولك ع حاجة
مهند:حاجة ايه!
سلوى:حاول متتأخرش النهاردة
مهند:تانى ياماما!!
سلوى:ياحبيبى والله ,ميرفت صاحبتى بقالى كتير ماشوفتهاش فكلمتها وقالتلى انها هتيجى هى وبنتها نرمين ,وكمان طنط ميرفت بقالها كتير ماشقتكش م ساعة ماكنت عندك 5 سنين
مهند:وجاية تفتكرنا دلوقتى
سلوى:اهوه الزمن بقى
مهند:ان شاء الله هحاول
سلوى:لا مفيش تحاول لزما تيجى يامهند
مهند:ياماما مقدرش اوعدك النهاردة حالة ملك!
سلوى*بضيق*:يادى ملــك! م ساعة ما جتلك الحالة دى وانت مبتكلمش غير عليها
مهند:عشان بالنسبة ليا حالة مهمة اووى ,وحاضر ياماما هاجى
سلوى*بتنهيدة*:اما اشوف
مهند*لسه هيتكلم حسين دخل المكتب وقالوا ان ملك واهلها وصلوا*:طيب يا امى هنتكلم بعدين
سلوى:متتأخرش يامهند
مهند:حاضر ياماما ,سلام *وقفل مع مامته*:دخلهم بسرعة *واول ما دخلت ملك ومعاها رؤوف ورحمة*:اهلا وسهلا اتفضلوا
رؤوف:ازى حضرتك يادكتور
مهند:الحمد لله*وبص لملك*:وازيها دلوقتى
رؤوف:زى ما حضرتك شايف رافضة الكلام خالص
مهند*ابتسم*:طب معلش ممكن تسبونا لوحدنا
رحمة*بصتله*:لو سمحت يادكتور ,ياريت تخلى بالك منها ومش عايزين اى انفعال عليها جامد *واديتلوا شنطة*:ودى الحاجة الحضرتك طلبتها
مهند:شكرا اوووى وعموما متقلقيش دى مهنتى ,وانا متابع حالتها كويس
*سابوها وخرجوا فضلت ملك قاعدة ع الكرسى وساكتة خالص ومبتتحركش*
مهند*قعد قصادها*:طبعا انتى اكيد مش مستغربة انتى هنا ليه! انا عارف كويس انك سمعانى ملك انا كل العايزه منك تحكيلى ع الجواكى وتقوليلى ال انتى حاسة به ,انا مش هقولك زى كل الدكاترة انى هساعدك عشان تبقى احسن لا فحالتك دى انتى الهتساعدى نفسك بنفسك عشان انا واثق انك مش مرتاحة ف الحالة دى انتى وهمة نفسك بالراحة لكن الحقيقة عكس كدا و دلوقتى انتوا بقيتوا اتنين ,يعنى دى مش بقت حياتك لوحدك تقررى فيها ال انتى عوزاه
ملك*باصه قصادها ومفيش اى رد او انفعال*
مهند*طلع الدبدوب بتاعها م الشنطة*:انا عارف انى استخدمته قبل كدا ويمكن ده الخلانى استخدمه تانى عشان اعرف ايه الجواكى وليه يتضيقى لما بتشوفيه!
ملك*اول ما شافته قامت م ع الكرسى وكانت هتمسكوا*
مهند*بعده عنها*:لا ياملك مش هخليكى تمسكيه
ملك*بدأت الدموع ف عنيها وبدأ صوت عياطها يطلع ,وبتحاول تاخده*
مهند*بيبعدها بأيده*:قولتلك لا ياملك ,انا لزما اعرف ايه البيضايقك وبيخليكى متأثرة كدا
ملك*بدأت تتكلم ببطء*:هـاهــ ــ ـا هـــ ــ ــاته
مهند*رغم فرحه انها اتكلمت*:لا ياملك مش هدهولك ,غير لما تقوليلى ايه المضيقك بسببه كدا!
ملك*بعصبية*:بــ ـــقولك هاتـــ ــــه
مهند:انا عايز اعرف ايه الجواكى انتى ايه الحصلك ليه رافضة العالم ده ,اتكلمى ياملك ,ارجوكى
ملك*بعدت عنه والدموع نازلة م عينيها زى المطر*:مش عايزة اتكلم مش عايزة اقول حاجة انا عايزة الناس كلها تسيبنى ف حالى سيبونى ف حالى انا معملتش ف حد اى حاجة وحشة ليه انا كان بيحصل معايا كل الحاجات الوحشة
مهند:ايه الحصل معاكى ,احكى قولى ,طلعى كل الجواكى وصدقينى كأنك بتكلمى مع نفسك ,هسمعك وبس
ملك*فضلت تعيط جامد وقاعدة ع الارض*:انا تعبانة اوى ,انا حاسة انى مدمرة كل حاجة جوايا مدمرة ,انـــ ــــ ــا نفسى اموت ,مش عايزة الحياه دى مش عيزاها اعيش فيها ليه والوحش فيها اكتر م الحلو وحتى الحلو بيضيع مننا بعد ما بنبدأ نتعود عليه ونفرح كل حاجة بتتغير ليه ليـــــــــه, ليه مش كل حاجة بتفضل زى ما هى ليه ديما حزن وفراق ليـــــــــــــه
مهند*حاول يقومها وقاعدها ع الشيزلونج وقرب منها المناديل*:اتفضلى
ملك*خدته منه *
مهند:انا عايزك تهدى وتحكيلى انتى ليه كرها الحياه ,ايه الحصلك خلاه جواكى الاحساس ده
ملك*بصتله*:عايز تعرف ايه الحصلى!!
مهند:يــاريت
ملك*اتنهدت جامد اووى وسندت ضهرها ع الشيزلونج وبصت قصادها كأنها بترجع للسنين لواره, وابتدت تفتكر كل حاجة حصلت ف حياتها*:انا كنت زى اى طفلة صغيرة بتحب اللعب والجرى والهزار شاطرة ف مدرستى كنت قريبة اووى م ماما وكنت انا بنتها الوحيدة ربنا مرزقش بابا وماما بأطفال تانيين غيرى عشان كدا ماما كانت بتخاف عليا اوى وقافلة عليا بـ100 مفتاح ماكنتش معرفانى غير ان كل حاجة جميلة وان مفيش اى حاجة وحشة ممكن تحصلى ,لكن عرفت بعد كدا ان كل ده كدب ان كل حاجة وحشة والوحش بس هو الكان بيحصلى ,انا كنت عايشة ف الدنيا دى مش عارفة اى حاجة عنها ,كان بالنسبة ليا الدنيا دى هى اوضتى ولعبى واحيانا لما كنا بنسافر لخالو اسكندرية ونقعد معاه ف الاجازة شوية ,كانت اول حاجة وحشة بالنسبة لى حصلت كان عندى وقتها 7 سنين ,فاكرة اليوم ده كويس كنت قاعدة انا وماما نسمع اغنية لأم كلثوم وبضفرلى شعرى*فــــلاش بــاك*
عليا:ها حلوه كدا التسريحة دى ولا اعملك شكل تانى
ملك:حوه اووى ياماما ,تعرفى ان كل البنات بتحب شكل الضفيرة البتعملهالى بقولهم اسمها السمبولة! بيفضلوا يقولولى عايزين نعملها
عليا*ضحكت اوى*:اسمها السنبلة ياملك ,مش السمبولة
ملك:انا عارفة بقى المهم انها حوه وبتعجب كل صاحباتى ,ماما هبقى اجبهم تعملهالهم
عليا*ضحكت*:هتجبهوملى كلهم
ملك:اة كلهم كلهم
عليا*ابتسمت*:ماشى ياستى تحت امرك انتى وصاحباتك ,احكيلى بقى عاملتى ايه النهاردة ف المدرسة ,بعيدا عن السمبولة!
ملك:اةة الميس قالت انها هتدينا درجات الامتحان بكرة
عليا:وياترى هنجيب درجات كويسة ولا نص نص
ملك*بأسلوب طفولى*:لا كويسة اووى بس عيزاكى بقى تعملى الوعد القولتيلى عليه
عليا:وعد ايه!
ملك*بحزن*:نسيتى ياماما
عليا:لا خلاص خلاص افتكرت تروحى ف اجازة الصيف عند خالو رؤوف مش كدا
ملك*بفرحة*:ايوووووه رحمة وحشتنى عايزة اللعب معاها وكمان محمد بيجيبلى حاجة حوه لما بيشوفنى
عليا*ابتسمت*:ماشى ياستى هنروح نقضى اجازة الصيف عندهم
ملك*وهى بتتنطط وهى واقفة ع الارض*:هييييييييييييييييه هيييييييييييييييييييييييييه *وشوية وباب الشقة تفتح وكان باباها جريت عليه*:بــــــــابـــــــــا وحشـــتنى
مجدى*بيشيلها*:وانتى كمان وحشانى ياحبيبة بابا عاملة ايه
ملك:الحمد لله ,ماما وعدتنى انىى لما اجيب درجات حوه هتودينا عند خالو
مجدى*ابتسم*:اة بس انا مش هعرف اروح معاكوا
عليا:ليه بس يامجدى
مجدى:عندى شغل كتير الفترة الجاية دى
عليا*بحزن*:انت كل مرة تقول كدا
مجدى:والله غصبن عنى وكمان ما ده كله عشانكوا وعشان نأمن لملك حياتها ومستقبلها
عليا:بس احنا عايزينك معانا نفسى نتلم كلنا ف مكان زى ده هواه وماية وتغيير جو غير هنا
ملك:اة يابابا ياريت
مجدى:ان شاء الله هحاول اكيد ف مرة اكون معاكوا ,المهم دلوقتى انا جعان عمللنا اكل ولا اخد بنتى وننزل ناكل برة
ملك:اة يلا ناكل برة يابابا
عليا:ياسلام هو مصريف وخلاص لا عاملة روح غير هدومك اكون حضرته *ودخلت المطبخ وهى بتحضر الاكل مرة واحدة جاتلها نغزة ف قلبها وداخت وقعدت ع الكرسى وماسكة بأيد راسها والايد التانية دمغها وحست بتعب جامد*
مجدى*خرج م الاوضة شافها قاعده كدا*:ف ايه ياعليا مالك
عليا*بصتله*:انا كويسة
مجدى:كويسة ايه ده انتى وشك اصفر فجأه كدا ليه
عليا:مش عارفة بقالى فترة بحس بنغزة ف قلبى كدا مش فاهمة ايه سببها وبلاقى نفسى مش قادرة اقف ع رجلى
مجدى:طب مقولتيش ليه كنا نروح لدكتور
عليا:ولا دكتور ولا حاجة تلاقى شوية برد وهيروحوا ,يلا بس ساعدنى عشان ملك ماتجيش تعمل دوشة ف المطبخ ,وانا هبقى كويسة ,يــلا
*وقعدوا كلهم ياكلوا سوى ويتكلموا ويهزروا*وتانى يوم تصحى ملك عشان تروح المدرسة*
عليا:يلا ياملك عشان الباص هييجى ياخدك
ملك:ماما مش عايزة اروح خلينى اخد اجازة النهاردة
عليا:لا ماينفعش لزما تروحى مدرستك وكمان انتى مش قولتيلى ان الميس هتقول الدرجات النهاردة ,يلا بقى عشان تعرفى جيبتى كام واوديكى تلعبى مع رحمة
ملك*قامت بسرعة*:اة صح صح ,طب يلا ياماما لبسينى احنا نفضل نتكلم كدا لحد ما الباص ييجى ويمشى
عليا*بصتلها وابتسمت وقعدت تلبسها وعملتلها ضفيرة السنبلة البتحبها*:ها ايه رأيك ياست البنات
ملك:حلوه اووى ياماما
عليا*قربت منها وحضنتها*:ملك عيزاكى تخلى بالك ع نفسك وع بابا ومتزعلهوش مهما حصل وتسمعى كلاموا ف كل حاجة يقولهالك ,واختارى ف حياتك كل حاجة صح فهمانى ياملك اختارى صح
ملك*بصت لمامتها وماكنتش فاهمة كلامها*:ماما انا مش فاهمة حاجة
عليا*الدموع ف عنيها*:اهم حاجة تفهميها انك تخلى بالك ع نفسك ,ماشى
ملك*بتحرك راسها بنعم*:ماشى *وتنزل ملك وعليا تبصلها م الشباك وملك تعملها باى وتركب الباص*
عليا*تعملها باى والدموع نازلة ع خدها*:ربنا يحفظك يابنتى ويبعد عنك اى حاجة وحشة وممكن تأذيكى
*وراحت ملك ع مدرستها زى كل يوم بس اليوم ده كان بالنسبة ليها غير اى يوم اول ما روحت البيت لقت ان فيه عربية اسعاف بصت بستغراب وطلعت وف الوقت الطالعة فيه ع السلم لقت ناس نازلة وماسكين صندوق خشب ,ساعتها بصت وماكنتش فاهمة ايه ده طلعت لقت باب الشقة مفتوح وناس بتعيط وباباها قاعد ع الكرسى وباصص ع الارض والدموع ف عنيه*
ملك*جريت عليه*:بابا هو ف ايه ,وماما فين مستنتيش ف الشباك ليه زى كل مرة
مجدى*خدها ف حضنه وقعد يعيط جامد*
ملك*ساعتها ماكنتش فاهمة بس ابتدت تستوعب ان ماماتها ماتت اول ما باباها قالها الدموع نزلت م عنيها زى المطر وماكنتش مصدقة*
رؤوف*اول ما يسمع كدا ينزل ويروح يحضر عزاء اخته ويقعد معاهم وبعد ايــام*:هتعمل ايه دلوقتى يامجدى
مجدى*بحزن*:يعنى هعمل ايه ,ربنا يصبرنا ع فراقها
رؤوف:يـــــــــــــــارب ,ف الجنة ان شاء الله
مجدى:ان شاء الله *بصله*:انت لزما تروح يارؤوف شغلك ومراتك وعيالك محتاجينلك
رؤوف:وانتوا مش محتاجين حاجة
مجدى*بتنهيدة*:لا احنا كويسيين الحمد لله وهنتعود ع الفراق
رؤوف:مجدى انا عايز اقولك ع حاجة بس عارف انها مش ف وقتها خالص بس عايز اطمن هو انت ممكن تفكر تتجوز
مجدى*بصله وسكت*
رؤوف:انا مش قصدى حاجة بس انت لسه سنك صغير ومحتاج رعاية لملك وانا عايز اطمن انك هتتجوز ولا لا
مجدى*بصله بحدة*:رؤوف ,انا مش بفكر ف الموضوع ده دلوقتى وكمان مفيش اى واحدة تقدر تعوض مكان عليا الله يرحمها
رؤوف:طمنتنى! ربنا يرحمها يارب *وشوية وصحيت ملك م النوم وجريت ع باباها*
ملك:بابا انا كنت قاعدة بكلم ماما وبعد كدا اختفيت بدور عليها مش لقياها هى فين
رؤوف*الدموع ف عينه*:ياحبيبتى ماما عند ربنا
ملك:انا عارفة ,بس والله كانت قاعدة معايا م شوية وبتكلمنى
مجدى*خدها ف حضنه*:حبيبتى ,انتى جعانة اعملك حاجة تاكليها
ملك*بتحرك راسها بنعم*:عايزة ساندوتش جبنة زى الماما كانت بتعملوا
مجدى*بتنهيدة*:حاضر
*وخدها ودخلوا المطبخ وطبعا كان بيحاول يعمل كل حاجة عليا كانت بتعملها لكن ملك كانت حاسة بأختلاف وديما بتعترض ع اى حاجة بيعملها وتقولوا ماما ماكنتش بتعمل كدا وحاول مجدى انه يستحمل ده,وقاعدت فترة طويلة تصحى كل يوم م النوم وتدور عليها ماكنتش مستوعبة انها خلاص مش هتشوفها تانى او هتسمع صوتها,وبعد سنـــــــــة م موت مامتها*مجدى كان ف شغله قاعد مع زميله*
مجدى:بقولك ايه يا حامد ما تيجى نبدل الوردية بتاعتنا عشان اروح بدرى
حامد:بص يامجدى احنا اصحاب قبل ما نكون زمايل ف الشغل بس ماينفعش كده انت بتفضل تبدل مع كل زمايلنا وفيه ناس بترضى وناس لا
مجدى:طب اعمل ايه! ما انا مقدرش اسيب ملك فترة طويلة ف الشقة لوحدها
حامد:بصراحة الحل موجود
مجدى:متقولش اتجوز
حامد:ايه المانع! انت لزما تجوز عشان بنتك وعشانك انت شايف حالتك ازاى وخاسس ودقنك البقت شبرين مجدى حالتك اتدهورت وانت وبنتك محتاجين حد يراعيكوا
مجدى:بس انا مش مستوعب ان حد ياخد مكان مراتى
حامد:انا عارف ده! بس مينفعش تسيب نفسك كدا وقلقك ع بنتك هيأثر ع شغلك خصوصا ان احنا اوقات ف المصنع بيجيلنا شغل يخلينا نفضل بايتين هتعمل ايه وقتها!
مجدى*بتنهيدة*:والله ما انا عارف
حامد:بص ياصاحبى بصراحة انا كنت بفكر ف الموضوع ده م فترة وفيه واحدة جارتنا مراتى بتحكيلى عنها ادب ايه واخلاق هى مش صغيرة اوى وكمان متجوزيتش ولسه امها ميتة م سنة تقريبا ف نفس وقت مراتك ,وباين عليها بنت حلال
مجدى:طب ودى واحدة ما تجوزتش قبل كدا هترضى تجوز دلوقتى وواحد متجوز وعنده بنت صغيرة
حامد:ما انا قولتلك انها مش صغيرة اوى يعنى ف اوائل التلاتينا وماكنتش قادرة تجوز ف الاول عشان ماماتها كانت محتاجة رعاية
مجدى*بصله وسكت*
حامد:متفكرش كتير حتى لما تتجوزها ربنا يرزقوا بطفل يبقى اخوه او اخت ملك وتخلى بالها عليك وع بنتك وتعمل عزوه وبيت
مجدى*بتنهيدة*:والله ما اعرف اقول ايه!
حامد:قول لا اله الا الله
مجدى:لا اله الا الله
حامد:بس كدا توكل ع الله وكل حاجة هتمشى زى الفل
مجدى:يــــــــــــارب
*يفضل مجدى طول اليوم يفكر ف الموضوع ده ومش عارف اذا كانت الخطوه دى صح ولا غلط بس ماكنش قدامه حل غير كدا هو حاسس ان شغله بيتأثر وقلقوا وخوفوا ع بنته كل مادا وبيزيد وبكرة تكبر ومحتاجة رعاية واهتمام اكتر,وتعـدى ايام*
مجدى:يلا ياملك كلى بقى
ملك:يع مش حو الاكل ال انت عامله ده يابابا
مجدى:ليه ما طعمه كويس اهوه *ولسه هياكله ملامحوا اتغيرت*:ايه ده
ملك*قاعدة تضحك*:شوفت بقى
مجدى*ابتسم*:انا بقول نجيب اكل م برة احسن
ملك:اة عايزة الوجبة ال بيبقى فيها لعبة
مجدى*ابتسم*:حاضر *ولسه هيطلب الرقم لقه حامد بيتصل به*:ايوه ياحامد
حامد:عامل ايه
مجدى:الحمد لله ,وانت
حامد:انا تمام بقولك ايه احنا خلاص اتفقنا ع كل حاجة ومراتى كلمت البنت ومستعدة تشوفك
مجدى*بتوتر*:انت مش شايف انك استعجلت
حامد:استعجلت ايه! يا سيدى صدقنى ده احسن ليكوا هستناك بكرة
مجدى:بكرة لالا صعب ,خليها يومين كدا وكمان عشان امهـــد لملك
حامد:ماشى ياعم خد وقتك المهم ان خلاص انا مظبطلك كل حاجة
مجدى:ماشى سلام *وقفل معاه وفضل سرحان وبيفكر*
ملك:يلا يابابا اطلب بقى انا جوعت
مجدى*فاق م سرحانه وبص لملك وبدأ يطلب الاوردر وجه الاكل وقاعدوا ياكلوا*:ملــوكة
ملك:ايوه يابابا
مجدى:ايه رأيك ياملوكة لو يعنى..يعنى لو
ملك*بصاله*:لو ايه يابابا
مجدى*بدأ يتوتر*:يعنى اجبلك ماما *ولسه هيكمل*
ملك*بفرحة*:اة يابابا ياريت يلا هاتها او نروحلها هقوم اللبس
مجدى:ياحبيبتى استنى ,انا قصدى اقولك ماما جديدة!!
ملك:يعنى ايه ماما جديدة!
مجدى:يعنى هتجوز وهجيلك واحدة هنا تخلى بالها منك وتعمل الاكل وتعملك كل حاجة انتى عيزاها وبتحبيها
ملك*فضلت باصه لباباها وساكتة*
مجدى:بصى ياحبيبتى احنا يومين كدا وهنروح نشوفها وال انتى هتقوليلى عليه انا موافق لو قولتيلى موافقة يابابا خلاص ولوقولتيلى مش موافقة يابابا يبقى خلاص برده ,اتفقنا
ملك*حركت راسها بنعم!*هى ماكنتش فاهمة ومستوعبة لحد ما راحت المدرسة وقالت لصاحبتها الكلام الباباها قالوا بدأت تفهم اكتر كلام باباها وتستوعبه وروحت البيت ماكنش باباها لسه جه فضلت مستنياه وحصلت حاجة ايه هى هنعرف الحلقة الجــــاية….
يجب أنت تكون مسجل الدخول لتضيف تعليقاً.