رواية احببت مربية ابنتي (الجزء الرابع والعشرون)

نرمين: افندم
سيف: سؤالي واضح تتجوزيني
نرمين: احم هو اه انا اعرفك من زمان يا سيف بس
سيف: عارف انك كنتي بتعامليني زي اخوكي و من زمان مكنتيش تعرفي اني ظابط بس انتي عارفة بقا
نرمين: بس على فكرة انا معجبة بشخصيتك بس مش بحب أبين يعني انت شخصية محترمة و تستاهل كل خير
سيف: طب ردك ايه

نرمين: سبني يومين أفكر يا سيف و انا اقولك ردي بعد يومين بظبط
سيف: و انا مستنيكي لآخر العمر بس على فكرة انا اول ما شوفتك وانا بحبك بس انا من النوع الي بردو مش ببين
نرمين: لينا حاجات كتير مشتركة مع بعض
سيف:و ده الي يخلي أي علاقة تبقى مستمرة
و ابتسمت نرمين و قالت
نرمين: تمام
سيف: يلا علشان اروحك

نرمين: اوك
و وصلها إلى بيتها
*****
و عند نوران
نوران: شوفت الحيوان عمل ايه
اياد: انتي ادايقتي علشان قالك كلمتين دول ولا علشان مش هتاخدي الفلوس
نوران: علشان كل حاجة انا رايحة اوضتي

و نهضت و كانت سوف تذهب الى غرفتها لكن امسك اياد بمعصم نوران و قال بعصبية
اياد : مالك يا نوران من ساعة آخر مقابلة مع سيف و انتي مضايقة
نوران و هي تبعد عنه
نوران ببرود: مفيش حاجة
اياد بعصبية: لا في مالك في ايييه

نوران بزعيق: في اني تعبت و اني دايما كل الناس هتشوفني اني حقيرة زي مانت شايفني كدة انا لما سبتك تلمسني سبتك علشان حبيتك بجد و حبيت كل حاجة فيك و اكتشفت كل ده لما غيرت عليك من فرح لما كنت كل شوية تكلمني عن بنت كنت بموت وانت مبتحسش بيا انا زهقت يا اياد و تعبت من كل حاجة زهقت زهقت
و تركته و ذهبت إلى المطبخ سريعا و هو ذهب وراها و وجدها تمسك سكينة و تضعه في شراينها
اياد بخوف : انتي بتعملي ايه

نوران: بعمل الي لازم فعلا اعمله انا الي زيي مينفعش يعيش مينفعش
و قطعت شرينها و وقعت مغشيا عليها و تسمر اياد في مكانه و ثم ذهب اليها و قال بخضة و قلق
اياد: نوران نوران ليه عملتي كدة ليه حرام عليكي ليه
و حملها و نزل سريعا
و ركب سيارته ووضعها ورا في سيارته و ركب سيارته و ذهب إلى أقرب مستشفى و بسرعة قصوى

*******
و ثم وصل إلى المشفى و حملها و كان يديها تنزف بشدة في كل مكان و قال
اياد بصراخ: عندنا مريض هنا بسرعة عاوزين دكتور
و جائوا سريعا و وضعوها في الترولي و مسكت الممرضة يديها و قامت بعمل الاتزمات لوقف النزيف حاليا ذهبوا بسرعة إلى غرفة العمليات

******
ظل اياد واقفأ و ساند ظهره على الحائط قلقا على حبيبته نعم انه احبها و هذا الموقق اثبت له انه يعشقها و ليس يحبها فقط و ثم خرج الطبيب
و ذهب إليه اياد سريعا و هو ينظر إليه بقلق و قال
اياد: ها خير يا دكتور
الطبيب: احنا لحقناها في آخر لحظة بس عملنا تحليل و اكتشفنا خبر حلو و خبر وحش
اياد: في ايه يا دكتور
الطبيب:عندها كانسر في المخ في الحالة المتأخرة شد حيلك
اياد بحزن و متفأجا و قال

اياد: طب هي مش كانت بتحس بيه
الطبيب : هي فعلا ممكن تكون حست بيه و مش قالتلك أو ممكن هي كانت بتحس بوجع بس مش بتهتم بده
اياد: طب مش هينفع اوديها برة اسفرها اعمل أي حاجة
الطبيب: قولت لحضرتك دي في حالة متأخرة يعني لو عملت ايه للأسف الكانسر أقوى منها و من أي علاج و لو عملنا عملية هتموت و تقريبا هي حامل
نظر إليه بصدمة و قال

اياد: حامل حامل ازاي
طبيب: لسة مش متأكدين بس هنعمل صنار و نتأكد لو هي فعلا كدة ولا لا
نظر اليه اياد و قال بحزن
اياد : طب ينفع أدخلها
طبيب: طبعا هي صاحية بس بلاش كلام معايا كتير
اياد:طيب شكرا
و دخل اياد اليها و عندما وجدته قالت بابتسامة حزينة

نوران: مش قولتلك الي زيي مينفعش يعيشوا الحمدالله ربنا اكرمني و رزقني بمرض احسن ما اموت كافرة هموت بمرض
اياد : متقوليش كدة خلي أملك في ربنا كبير و هتعيشي انشاء الله ليا و للبيبي
نوران: هو انا حامل
اياد: اه بس لسة الدكتور هيعمل صنار علشان اتأكد
نوران: ههههه حتة ابني معرفتش اعيشه انا اسفة يا أياد انا كنت بنت عدت من حياتك وانا عارفة انك مش هتجوز ولا ترضي تخلف من واحدة زيي

اياد: انتي احلى بنت شوفتها في حياتي انا بحبك
نوران : هههه كداب انت بتقول كدة علشان بس افرح مش اكتر
اياد؛ والله العظيم بحبك و مش هقدر اعيش من غيرك أنا عارف اني اتاخرت في أني اصرحك بمشاعري بس والله انا حبيتك لما قربت منك حسيت إحساس عمري ما حسيته انا حبيتك يا نوران
نوران بدموع: لكن انا عملت ذنوب كتير اوي و نفسي أصلح من ذنوبي دي قبل ما اموت وبعدين انا الي زيي ميتحبوش

اياد و هو يقبل يديها:بعد الشر عليكي انشاء الله يومي قبل يومك وبعدين انا بحبك ملكيش دعوة بحد
نوران بابتسامة: متقولش كدة خلاص يا اياد ده قدر …. ينفع طلب
اياد: اؤمري طبعا يا قمري
نوران: ينفع اول ما اخرج من هنا اروح اعمل عمرة مع بعض و ابننا الصغير
اياد: انتي ليه مش كنتي كدة يا نوران ليه في آخر ايامك و تعملي كدة
نوران بدموع: علشان وقتها الحقد ملى قلبي و شيطان كان متحكم فيا تسمي ايه واحدة مكنتش عندها أهل تعمل ايه يعني غير الي انت شايفه

و حضنها اياد و قال
اياد: طب أنسى أي حاجة تزعلك ممكن؟
نوران: ممكن
و جاء الطبيب و قال
طبيب: معلش بس سبها علشان نعمل الصنار
اياد: طيب
و خرج اياد و قام الطبيب بعمله

*******
بعد 10 دقائق
خرج الطبيب و ذهب إليه اياد و
اياد: ها يا دكتور ايه الأخبار
دكتور : هي حامل بس لازم تنزله لأن خطر عليها
اياد بحزن شديد: هي حالتها اصلا بخطر يا دكتور …..شكرا ليك
و ثم دخل لها

******
و دخل و
نوران: ونبي يا اياد قولي حصل ايه انا مش هقدر استنى أي أخبار تاني
و نظر اليها بحزن و حكى لها ما حدث و قالت نوران: انا كدة كدة ميتة خليني أحس بس بفرح الست لما تبقى حامل
اياد: طب الدكتور قال تقدري تمشي هنروح البيت و أجيب المأذون
نوران: بجد
اياد: طبعا بجد يلا
و ساعدها أن تنهض و ثم ذهبوا من المشفى و ركبوا السيارة و ذهبوا إلى البيت

****
في بيت نوران
وصلوا و ثم حملها اياد و
نوران: كدة ضهرك مش هيوجعك
اياد: يوجعني ازاي و انتي الشفا ليا
ابتسمت نوران و هو قبلها من شفايفها و هي استسلمت له لكن بعدت عنه عندما وجدت انهم قدام المصعد و
نوران:الناس يا مجنون
اياد: ملهمش حاجة عندي

ضحكت و ثم طلعوا إلى منزلهم و دخلوا الغرفة و اجلسها على الفراش و ثم هاتف المأذون و اتصل بشخصين ليكونوا الشهود و جائوا
و بدأ المأذون بلاجرائات و انتهت بأن نوران أصبحت حرم اياد جابر
و كانت سعيدة جدا بما حدث و نفس الشعور عند اياد أيضا
و ثم قال اياد
اياد: مش هتنامي
نوران: عايزة انام في حضنك
و ابتسم اياد و جلس بجانبها و جعلها تنام في حضنه

*****
و عند فرح
في الحفلة
فرح: يلا بقا كفاية كدة
دعاء: ماشي يلا
**************
عند ادهم عندما لمح فرح تنهض هي و دعاء من مقعدهم و هنا تأكد أنها سوف تذهب من الحفل و قال لعمر
ادهم: بص شكلهم هيمشوا
عمر: طيب يا ادهم انا هوصلهم علشان مينفعش يروحوا لوحدهم و بليل كمان و توعدني متشربش كتير الكأس ده و خلاص
ادهم: طيب اوعدك ماشي

عمر: سلام
ادهم: سلام
****
عند فرح
ذهب عمر إليهم و قال
عمر: هتمشوا
دعاء: اه
عمر: طب يلا اوصلكم و مفيش نقاش الوقت متاخر و مفيش تاكسيات بتيجي هنا
فرح: طيب
و ذهبوا إلى سيارة عمر و ركبوا و وصلهم إلى البيت

******
في عمارة دعاء
وصلوا إلى البيت و
عمر: اشوفكم بكرة في الشركة
فرح: اكيد سلام
عمر: سلام
دعاء: خلي بالك من نفسك يا عمري

عمر: وانتي كمان يا قمري يلا تصبحي على خير
دعاء: وانت من اهله
و نزلوا من السيارة و قالت دعاء لفرح
دعاء: روحي انتي و اسبقيني وانا هاخد مالك من صاحبتي و جيالك مش انتي معاكي مفتاح البيت
فرح: اه
دعاء: اوك اسبقيني
فرح:ماشي
و ذهبت فرح البيت

*******
ذهبت دعاء إلى بيت صديقتها و أخذت مالك منها و سلمت عليها و شكرتها و ذهبت هي أيضا على البيت
****
في البيت
دخلت دعاء
وجدت فرح تجلس تنتظرهم و دخلت و قالت فرح
فرح: هو نايم
دعاء: اه
فرح: نوم الهنا يارب
دعاء؛ تسلميلي يا قمر

فرح: طب انا هنام بقا تصبحي على خير
دعاء: وانتي من اهله
و ذهبت فرح إلى النوم بعد شرودها و تذكرها بما حدث اليوم و بدلت دعاء ملابسها و نامت بجانب مالك
******
و عند ادهم
انتهت الحفلة بعد ساعة من خروج فرح و دعاء منه و ذهب إلى بيته
******
في القصر
وصل ادهم و دخل إلى داخل القصر و

وجد حنين تركض إليه و حملها و قال
ادهم: وحشتيني وحشتيني يا قلبي انتي
حنين: وانت كمان يا بابي
حسناء: حمدالله على السلامة يا حبيبي
ادهم: الله يسلمك يا ماما
حسناء: يلا يا حنين معاد النوم
حنين: لا انا عايثة اقعد مع بابي شوية
ادهم: خليها شوية يا ماما

حسناء: خلاص يابني الي تشوفوا و جلس ادهم مع ابنته و لعب معاها حتة شعرت حنين بنعاس
ادهم: شكلها عايزة تنام
ذهبت حسناء إليه و حملتها و قالت
حسناء: يلا يا حنين ننام بقا
حنين: ماثي يلا باي باي بابي
قبلها ادهم و قال
ادهم: باي باي حبيبة بابي
و ذهبت حسناء لكي تنيم حنين

*******
و بعد نصف ساعة
جائت حسناء لادهم لتعرف ما حدث في الحفل و
حسناء :ها قولي حصل ايه بظبط
و حكى لها كل شئ و قالت
حسناء: يعني هي كانت في الحفلة
ادهم: للأسف …. عارفة يا ماما كانت حلوة اوي ومش قدرت اشيل عيني من عليها بس حاولت على قد ما اقدر اني مضعفش
حسناء: طب يابني انت مش ناوي تسامحها

ادهم بشرود: تعرفي يا ماما ايه هو الطلب التالت و الي لغيته
حسناء:ايه
ادهم: كنت هقول قدام الناس اني هتجوز فرح و كنت هحدد معاد الفرح
حزنت حسناء على حاله و رتبت على ظهره و قالت
حسناء: كل الي ربنا عاوزه هيكون بس انت لسة بتحبها
ادهم وهو يغير الموضوع
ادهم: انا تعبان اوي و محتاج انام و في شغل كتير بكرة

حسناء : طيب يابني تصبح على خير على فكرة سلسلتها حلو اوي عليك
ادهم: وعدتها اني مش هشيله و فعلا مش هشيله حتة لو حبي ليها نقص كتير
و طلع الدرج و في نص الدرج قالت
سناء: قصدك زاد مش نقص و مش هينقص ده هيزيد بس انت هتكابر
نظر اليها ابتسم إليها و
ادهم: كل الي ربنا عاوزه هيكون
ابتسمت حسناء إليه و دخلت إلى غرفتها
هو شرد قليلا و صعد من الدرج و دخل غرفته

******
في غرفته
دخل المرحاض و ابدل ثيابه و ثم جلس على الفراش و
تذكر عندما وقع على ضهره و هي سندته ابتسم لأن كان هذا الموقف جميل جدا بنسبة له و ثم تلاشت الإبتسامة على فور و نام حتة ينسى ما بداخله
*****
في صباح جديد
استيقظ ادهم و
وجد حسناء تأكل حنين و تنتظره قال
ادهم بابتسامة : صباح الورد
حسناء: صباح الفل
و قعد و قال

ادهم: ازيك يا حنون
حنين: كويثة يا بابي و انت كويث؟
ادهم: انا زي الفل لما شوفتك يا عيوني
و ضحكت حنين على مغازلته انها تحب مغازلة ابيها كثيرا انها ابنته المدللة و فطر فطاره ما بين مغازلته لابنته و حديثه ما والدته و قال
ادهم: يلا هروح الشغل بقا سلام
حسناء:سلام يابني ربنا ينور طريقك
و ذهب ادهم إلى شركته

******
و عند فرح
خرجت من الغرفة و وجدت مالك يلعب و يقول
مالك : فيح ثحيت يا تعاء ثحيت (فرح صحيت يا دعاء صحيت)
دعاء: صباح الخير يا عثل
فرح: صباح النور يا قمر
دعاء: يلا علشان تفطري

فرح: لا انا بجد مش جعانة خالص وبعدين أنا تخنت و مش ناقصة بقا وبعدين انا دلوقتي متشوقة للشغل اوي و مش جعانة
دعاء: مش جعانة و اوك لكن تخنتي ده الي مش اوك خالص يابنتي ده انتي خسيتي اوي
فرح: هههه طب يلا علشان الشغل ولا استناكي تخلصي قطار
دعاء: انا خلصت اصلا و مالك شبع صح يا مالك
مالك: ثح يا تعاء
و ذهبت إليه فرح و حملته و قعدت تقبله و قال
مالك: كفاية يا فيح بتكثف و بعدين مث ينفع بنت تبوثني
فرح: لا انا ينفع ابوسك وبعدين انت كيوت اوي ياخلاثي وبعدين مش انا مراتك ولا ايه
مالك:اه

و جلست و ثم بدأت تزغزغزه و هو يضحك و عندما نظرت دعاء إلى هذا المنظر قالت بابتسامة
دعاء: هتبقى أم زي الفل على فكرة
فرح بابتسامة: انشاء الله يلا
دعاء: يلا
و أخذت مالك و ودته عند صديقتها كلعادة و ذهبوا إلى العمل

******
في الشركة
بعد ساعة
وصلوا الفتايات و
و دخلوا و
فرح: اعمل ايه دلوقتي
دعاء: دلوقتي ياستي في ورق خلصه عمر بس محتاج ترجمة للروسي و انتي تقدري تقومي بده و توديه لادهم و مش هياخد وقت التقرير ده

فرح: طيب ماشي ربنا يستر هو مش انهاردة اجتماع بتاع التركي
دعاء: ايون و هيجوا يشوفوا الشركة و كدة
فرح: طب كويس
دعاء: أي شغل ناقص هتفتحي الدولاب الي في إلمكتب لازم تخلصي الشغل الي فيه لو لقيتي يعني
فرح: تمام أوي
دعاء: ماشي اشوفك في الاستراحة و الاجتماع
فرح: باي ياختي

*****
عند فرح
و ذهبت مكتبها و ودخلت
بلفعل وجدت الملف و فتحت الدولاب و تنهدت و حمدت ربها لأن الشغل كان قليل جدا و امسكت الملفات و قامت بعملها
*******
وبعد نصف ساعة جاء عمر
و تفاجئ بوجودها و قال بابتسامة يخفف عن فزعه
عمر: ازيك
فرح: الحمدالله و انت

عمر: تمام بس كنت جاي علشان اخد التقرير و اشوف حد يترجمه
فرح:و تشوف حد ليه وانا موجودة على فكرة انا مش اترفدت متخفش
عمر بفرحة: طب والله كويس كنت هزعل اوي علشان فعلا شغلك ممتاز
فرح: زمان اشتغلت مترجمة في شركة صغيرة فاتعلمت وبقيت احسن ده زائد اني اتخرجت من جامعة ترجمة
عمر: طب كويس أوي الف مبروك
فرح: ميرسي

عمر: الشغل عندك قليل اوي يعني في شوية تقارير و ترجمة و خلاص
فرح: اه عرفت
فرح: اتفضل
عمر: طيب اسيبك مع شغلك بقا
و خرج عمر من مكتبها و أكملت فرح عملها و انتهت منه و تنهدت و قالت
فرح: لازم أدخله بقا ياربي ربنا يستر

****
و عند ادهم اتصل من هاتف مكتبه بدعاء و قال
ادهم: دعاء خلى تقرير الروسي يجي اتاخر اوي
دعاء: حاضر يا فندم هتصل بعمر بيه يجيب التقرير
ادهم: اوك
و قفل الهاتف معها

******
و اتصلت دعاء بمكتب فرح و قالت
فرح: مكتب عمر مدحت شركة داماللبترول ايوة
دعاء: بت ادهم عايز التقرير بسرعة تعالي
فرح:اوك ماشي جاية اهو

و قفلت معاها
و مسكت التقرير و ذهبت إلى مكتب ادهم و ثم أخذت نفس عميق و هبطت على باب المكتب و
ادهم: ادخل
و دخلت و عندما نظر ادهم اليها انصدم
يتبع

https://www.barabic.com/real-stories/13831