حل مشكلة المؤخرة الكبيرة الاسباب والحل ؟

السلام عليكم ورحمة الله يسرنا في موقع بالعربي ان نقدم لكم حل مشكلة المؤخرة الكبيرة الاسباب والحل ؟.

[box type=”success” align=”” class=”” width=””]أولا: الخمول وقلة الحركة [/box]

يعتبر الخمول وقلة الحركة والجلوس لفترات طويلة بنفس الوضع سببا أساسيا من أسباب كبر حجم الأرداف وكمان الكسل وعدم ممارسة الرياضة، ده بالإضافة إلى النوم بعد تناول الوجبات الدسمة زي العشاء والغداء.

[box type=”success” align=”” class=”” width=””]ثانيا: الأكل [/box]

والنقطة دي بيندرج تحتها العديد من النقاط الفرعية زي اتباع نظام غذائي سيئ والإكثار من تناول المواد التي تحتوي على مواد دهنية أو نشوية أو سكريات عالية

[box type=”success” align=”” class=”” width=””]ثالثا: الحمل والولادة [/box]

وده لأن الحامل أثناء فترة الحمل والولادة بيحصل لها تغييرات في هرمونات الجسم، ده بالإضافة إلى إن الحامل ممكن إنها تتبع نظاما غذائيا سيئا وكمان عدم ممارسة التمرينات الرياضية الخاصة بالحامل، دي كلها عوامل ممكن تؤدي إلى كبر حجم الأرداف.

وكمان الحمل المتكرر سببب من أسباب ظهور المشكلة وده لأن العضلات بيحصل فيها نوع من الخمول والضمور بشكل عام، وبالتالي حدوث ترهلات للجلد ولعضلات الأرداف بشكل خاص، الأمر الذي قد يسبب ضمورا لهذه العضلات وعدم وجود فاعلية لها وهو ما قد يتسبب في تراكم المواد الدهنية في هذه المنطقة

[box type=”success” align=”” class=”” width=””]رابعا: الوراثة [/box]

بتلعب الوراثة دور كبير في عملية تجمع الدهون في منطقة الأرداف.

[box type=”success” align=”” class=”” width=””]خامسا: الهرمونات [/box]

حيث يتركز تأثير بعض الهرمونات عند البنات في منطقة الأرداف والفخذين وعند الشباب في منطقة الصدر.

بس كده.. دي كانت الأسباب…
بس ولا يهمك تعالي نعرف في الكلام اللي جاي الحل إيه؟

علشان نحل المشكلة دي ونحقق حلمنا بالحصول على قوام مثالي يبقى لازم تاخدي بالك من شوية الحاجات دي وهي:

[box type=”error” align=”” class=”” width=””]أولا: قائمة الممنوعات [/box]

لابد من إنك تعملي قائمة بشوية حاجات ممنوع الاقتراب منها نهائيا لغاية ما تتخلصي من مشكلتك، وبعد ما تتخلصي منها ممكن تاكلي منها بس بحساب.
وقائمة الممنوعات هي:

1. المواد النشوية زي الرز والمكرونة والبطاطس المحمرة.
2. المواد التي تحتوي على الكافيين.
3. الابتعاد عن المواد الدهنية زي اللحم الضاني واللحوم المحمرة.
4. الابتعاد نهائي عن المواد التي تحتوي على سعرات حرارية عالية زي الوجبات التيك أواي.
5. منتجات الألبان زي الزبد والقشدة واللبن كامل الدسم.
6. المكسرات بكافة أنواعها.
7. الحلويات.. أنا عارفة إن فيه ناس مش بتقدر تمسك نفسها قدام الحلويات وخاصة الشيكولاتة بس معلش تعالي على نفسك شوية، وابعدي نهائيا عن الحلويات
ثانيا: كلي خضار على قد ما تقدري

ده دايما حيكون شعارنا في غالى للصحه وهو “أهلا بالخضروات” وده لأن المواد الخضراء فيها قيمة غذائية عالية مفيدة للبشرة، ده بالإضافة إلى أن معظم الدراسات العلمية أثبتت إن الخضروات لها أهمية كبيرة جدا في إنقاص الوزن، ده بالإضافة إلى أنها بتمد الجسم بقيمة غذائية عالية جدا ويبقى بكده إنت ضربت أكتر من عصفور بحجر واحد.. حافظتِ على رشاقتك وعلى جمال بشرتك.

وياريت زي ما احنا حنتفق دايما إن طبق السلطة الخضراء يكون هو الطبق الأساسي على السفرة ويكون مكون من الفجل والجرجير والبصل والثوم.. وعلى فكرة الفجل الأبيض بيحتوي على مواد بتساعد في إذابة الدهون من منطقة الأرداف وده لأنه غني بالألياف اللي بتسهل عمليات حرق السعرات والدهون الزائدة بمنطقة الأرداف
ثالثا: الرياضة

الرياضة ثم الرياضة ثم الرياضة حتى لو كانت الرياضة دي هي المشي لمدة نصف ساعة يوميا وهتشوفي النتيجة بنفسك.

بس كده.. ده كان الحل
ولو عايزة تعرفي وصفات طبيعية تساعدك لتخسيس الأرداف خليكِ معايا وبلاش تزوغى من الصفحه هههه.

[box type=”info” align=”” class=”” width=””]وصفات لتخسيس الأرداف [/box]

وعلشان أنا عارفة إن كل حبايب غالى بيحبوا الوصفات الطبيعية جبتلكم مخصوص شوية الوصفات دي اللي هتساعد على تخسيس منطقة الأرداف وأنت اختاري اللي يناسبك منها.. نشوف مع بعض..

[box type=”success” align=”” class=”” width=””]الوصفة الأولى [/box]

المكونات
• كوسة
• فاصوليا خضراء
الطريقة
اسلقي الكوسة مع الفاصوليا الخضراء وبعد كده اضربي الكوسة مع الفاصوليا الخضراء في الخلاط لغاية ما يكون شكلها على شكل عصير، اشربي منه كوباية بعد كل وجبة.

[box type=”success” align=”” class=”” width=””]الوصفة الثانية [/box]

المكونات
• كوب من الماء
• معلقة من الزنجبيل المطحون ومعلقة من القرفة المطحونة
الطريقة
اغلي الماء وضيفي الزنجبيل والقرفة وبعد كده سيبيهم يغلوا واشربي فنجان منها قبل كل وجبة.

[box type=”success” align=”” class=”” width=””]الوصفه الثالثه [/box]

المكونات
• بذرة الكتان -هتلاقيها عند العطار- بتكون على شكل حبة السمسم بس لونها بني غامق.
الطريقة
كل اللي إنت هتعمليه إنك تاخدي منها معلقة أو معلقتين صغيرين يوميا قبل النوم.

وعلى فكرة الوصفة دي غير إنها بتساعد على تخسيس الأرداف والكرش فهي كمان بتفيد في الوقاية من سرطان الصدر والعياذ بالله ويبقى كده إنت ضربتِ أكتر من عصفور بحجر واحد.

[box type=”success” align=”” class=”” width=””]الوصفه الرابعه [/box]

المكونات
• خل التفاح
الطريقة
ادهني منطقة الأرداف بخل التفاح واتركيها لمدة عشرين دقيقة ثم خدي دش ميه فاترة وهتشوفي النتيجة.. كرري الموضوع ده مرتين في الأسبوع وبعد مرور شهر هتشوفي النتيجة بنفسك.

[box type=”success” align=”” class=”” width=””]الطريقه الخامسه [/box]

المكونات
• معلقتين بن مطحون
• كوب ماء دافئ
الطريقة
يتم خلط البن بالماء لغاية ما يبقى على شكل عجينة وبعد كده تقومي بفرك العجينة دي على منطقة الأرداف بحركة دائرية على اتجاه عقارب الساعة لمدة عشر دقائق وعكس الاتجاه لمدة عشر دقائق.
بعد كده هتلاقي إن المنطقة دي أصبحت عليها طبقة من الزيت.. قومي بأخذ حمام دافئ، وكرري العملية دي مرتين في الأسبوع لمدة شهر وهتشوفي النتيجة بنفسك، ده غير إن الوصفة دي بتساعد على نعومة الجسم.

بس كده..
دي كانت مجموعة من الوصفات الطبيعية اللي ممكن تعمليها للتخلص من كبر حجم الأرداف..

وعلى فكرة الوصفات دي مفيدة جدا للناس اللي وزنهم مناسب بس عندهم مشكلة في الأرداف. يلا تعالى نشوف التماارين الرياضيه

[box type=”note” align=”” class=”” width=””]تمارين رياضية [/box]

وعلشان اكون عملت اللي عليا وقدمت ملف شامل فعلا، دي مجموعة من التمرينات الرياضية اللى بحث عنها وجبتهالك اللي هتساعدك على تخسيس منطقة الأرداف بس لازم تاخدي بالك الأول من شوية الحاجات دي وهي:
1- وإنتِ هتبدئي ممارسة التمرينات دي حاولي إنك تسخني عضلاتك علشان ماتبدئيش مرة واحدة وعضلاتك تشد.. يعني حاولي إنك تسخني ببعض الحركات البسيطة كمرجحة الذراعين والرجلين، يعني ياريت تبدئي بالتدريج واحدة واحدة علشان لو بدأتِ مرة واحدة هتحسي إنك دايخة وتعبانة ومش قادرة إنك تعملي حاجة، وهتكرهي التمرينات ومش هتجربي إنك تعمليها تاني.
2- ياريت إنك ماتعمليش التمرينات دي وإنتِ لسه آكلة ومعدتك ممتلئة بالطعام علشان ماتشعريش بدوخة.
3- وقفي التمرينات بسرعة أول ما تشعري بدوخة أو صعوبة في التنفس.

4- لازم تاخدي بالك كويس من استقامة ظهرك في كل تمرين علشان ده مهم جدا علشان بطنك ترجع إلى طبيعتها.
5- بلاش تيجي على نفسك قوي، يعني ماتبالغيش في ممارسة التمرينات دي على الفاضي والمليان بحجة إنك كل ما تعملي أكتر تلاقي نتيجة أحسن، علشان ممكن تلاقي نتيجة عكسية.. يعني من الآخر كفاية نص ساعة في اليوم تعملي فيها تمرينات رياضية.

يلا نشوف مع بعض

[box type=”success” align=”” class=”” width=””]التمرين الاول [/box]

نامي على بطنك وإيدك للخلف وبعد كده ارفعي إيدك ورجلك لفوق.. عدي خمس مرات ونزليهم تاني وبعد كده ارفعيهم تاني.. كررري التمرين ده 15 مرة.

[box type=”success” align=”” class=”” width=””]التمرين الثاني [/box]

والتمرين ده بيسمى تمرين السباحة وكل اللي هتعمليه هو إنك هتنامي على بطنك وإيدك مفرودة للأمام على الأرض وبعد كده ترفعي إيدك ورجلك لفوق مع بعض في نفس الوقت، وتسيبيهم فوق وتعدي خمس مرات وتنزلي، وهكذا.. كرري هذا التمرين 15 مرة.

[box type=”success” align=”” class=”” width=””]التمرين الثالث [/box]

نامي على الأرض مع مراعاة إن ظهرك يكون مفرود وحطي إيدك جنبك على الأرض وبعد كده حاولي على قد ما تقدري إنك تتني رجلك لغاية منطقة الصدر مع الاحتفاظ بإيدك زي ما هي على الأرض.. كرري التمرين ده 15 مرة.

[box type=”success” align=”” class=”” width=””]التمرين الرابع [/box]

نامي على ظهرك وإيدك على الأرض وبعد كده ارفعي رجلك إلى أعلى ونزلي وهكذا.. كرري التمرين 20 مرة.

[box type=”success” align=”” class=”” width=””]التمرين الخامس [/box]

اقفي وخدي بالك إن ظهرك يكون مفرود، وارفعي إيدك لفوق على راسك، وبعد كده ميلي ناحية اليمين مرة والشمال مرة.. كرري التمرين ده 10 مرات.

[box type=”success” align=”” class=”” width=””]التمرين السادس [/box]

نامي على ظهرك وحطي إيدك خلف راسك على الأرض، وبعد كده ارفعي راسك مع رجلك اليمين مرة، وراسك مع رجلك الشمال مرة تانية.. كرري التمرين ده 10 مرات.

[box type=”success” align=”” class=”” width=””]التمرين السابع [/box]

اقفي مع مراعاة إن ظهرك يكون في وضع مستقيم وإيدك في وسطك، وبعد كده انزلي برجلك للأسفل مع تني الركبتين للأسفل.. كرري التمرين ده 6 مرات.

[box type=”success” align=”” class=”” width=””]التمرين الثامن [/box]

نامي عى جنبك مع وضع إيدك في وسطك وارفعي رجل ونزليها لمدة 10مرات، وبعد كده كرري نفس الوضع بس مع جنبك التاني.

[box type=”success” align=”” class=”” width=””]التمرين التاسع [/box]

وده هيحتاج منك إن يكون عندك الدراجة الثابتة في البيت علشان تمارسي التمرين ده عليها لمدة ربع ساعة يوميا.